نووسینی: #شێمحەمەد باڵەک#
پۆت شکاندنەکەی ساڵی 1966خەتای بارزانی بوو. ڕاوبەتاڵەکەی1975خەتای شای ئێرانێ و ئەمریکا و فارس باوە و عیسێ سوار بوو. هەڵاتن لە شەنگال و مەخموور خەتای پارتی بوو. هەڵاتن لە کەرکووک خەتای (کاڵ فام) ەکانی نێو یەکەتیبوو.باڵی مەکتەبی سیاسی 1966 و بارزانی و شای ئێرانێ و ئەمریکا و فارس باوە و عیسێ سوار و پارتی و بەلەکاڵەکانی نێو یەکەتیش خەتا بەمل کەسێکی تردا دێنن. ئەوکەسیش بەمل کەسێکی تردا. دەبێتەهەقایێتی مێشێ و تا ڕۆژی قیامەتێ نابڕێتەوە.
کێشەی بەرز و ئاڵۆزی کورد پێویستیی بە بێ خەتایان نییە. پەکیش لەسەر شێوەگۆڕان و نەوەی نوێ و نەنکێ کۆن نەکەوتووە. پێویستی بە گاندیێکی هیندستانی هەیە گشت هەڵە و تێشکانەکان خەتای خۆیبن. لەسەر هەڵەیەکی بچووک بەخۆی بچێتەنێو گرتووخانەوە و دەرکە لەسەر خۆی گاڵەدا و بە پاسەوانانی گرتووخانە بڵێ چۆن دەگەڵ گیراوەکانی دی ڕەفتار دەکەن ئاواش دەگەڵ من ڕەفتار بکەن. یان بۆ هەستکردن بە هەر تاوانێک چەند ڕۆژێک بە ڕۆژوو بێ و پاروێک کە بە پووڵی گەنجینەی گەل کڕابێ بە قوڕگیدا نەچێتە خوارێ.[1]
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 679
Ваше мнение о предмете!