تۊ چەنی عامی، یان عام چەنی تۊ
مەگېڵناوە، ساڵەکا زووینە دوۍ نەفەرۍ هۆرامیۍ مەیان پەی شارو سلېمانی، دیارەن ئا وەختە سەفەر بە وڵاخ و هەر بېیەن، وەختێ مېیاوا دلۍ شاری، تەماشە کەران خەڵکێ فرە گلېر بېیەنۆ و هاوارۍ کەران و داواکاریۍ وېشان مەیاونا بە دەسەڵاتدارا ئا وەختەیە (وۍ نیشاندای) ، یۊ جە دوە نەفەرە هۆرامېیەکەی پەویشا ماچۊ: ئەی ئېمە چېش بکەرمۍ؟
ئاڎییچ ئاقڵ بۊ، ماچۊ ئېمەیچ ملمۍ دلۍ هۊسەکەی و ئاڎۍ چېششا وات ئېمەیچ شۊنیشارە ماچمېشۆ.
مروڤ وەختێ دلۍ شارێنە یان کۊمەڵە خەڵکێنە بژیوۊ، مەشۊم جە باوەکا لا نەڎۊن، هەرمانێ نەکەرۊن هەکە شازەو دېیارە بۊن، خەڵکی بە تەرزێ جېیاواز تەماشەش بکەران. وەڵینەکېما ئاقڵۍ بیېنۍ وەختێ واتەنشا مەشۊم تۊ چەنی عامی بی، نەک عام چەنی تۊ، ڕاسەن تۊ نمەتاوی گردو خەڵکی ۋزی شۊنەو وېت.[1]