ناڤ: شەوکەت
ناسناڤ: شەوکەت کوڕکی
ناڤێ بابی: ئەمین
ناڤێ دایک: پیروز
ساڵا ژدایکبوونێ: 1973
جهێ ژدایک بوونێ: گوندێ #کوڕکا#
$ژیاننامە$
ژدایکبوویێ ساڵا 1973 ل گوندێ کوڕکا یا سەر ب باژێڕێ #زاخو#یە، ل ساڵا 1975 ژبەر هێرشێن ڕژێما بەعس ئاوارەی ئیرانێ دبیتن و هەیا ساڵا 1999 لەوێرێ دمینیت، خوەندنا خوە ل ئیرانێ تمام کرییە و ساڵا 1995 پشکدارییا خولەکا ئەنجومەنا سینەمایا لاوێن ئیرانێ کرییە، ل شانۆ و تەلەفزیون و سینەمایێ ل ئیران و کوردستانێ کار کرییە. فیلمێن وی پشکداریا ڤیستەڤاڵێن نێڤدەوڵەتی کرییە وەکە: ڤیستەڤاڵا ڕیودی ژانێرۆ ل وڵاتێ بەرازیلێ، ڤیستەڤاڵا لایپزیک ل ئەلمانیایێ و ڤیستەڤاڵا کورتە فیلمان ل ئیرانێ، ڤیستەڤاڵا ڕۆتردام ل هۆڵەندایێ، ڤیستەڤاڵا مونس ل بەلژیکایێ، ڤیستەڤاڵا فەجر ل ئیرانێ، ڤیستەڤاڵا قاهیرە ل میسڕێ، ڤیستەڤاڵا میلانۆ ل ئیتالیایێ، ڤیستەڤاڵا تایتانیکا ل هەنگاریایێ، ڤیستەڤاڵا دلهی ل هیندستانێ و چەند ڤیستەڤاڵێن دن یێن سینەمایی. شەوکەت ئەمین، رِێڤەبەرێ ئێکەم ڤیستەڤاڵا کورتە فیلمان ل کوردستانێ ل باژێڕێ هەڤلێرێ بوویە کو سەتەلایەتی کوردستان تی ڤی ساز کربوو.
فیلمێن دەرهێنەر: فرینی دەبدەبەکان 1997- بێتاکام - 37 خولەک، بەرهەمێ تەلەفزیونا مهاباد ل ئیرانێ. دەریچک 1998 - بێتاکام 43 خولەک بەرهەمێ تەلەفزێونا مهاباد ل ئیرانێ و خەلاتا دووهەم ل ڤیستەڤاڵا تەلەفزیۆنی یا ئیرانێ ل ساڵا 1999 بدەست خوەڤە ئیناندییە. دەما باران بێت 2000 - دی ڤی کام 29 خولەک بەرهەمێ سەتەلایەتا کوردستان تی ڤی. بازگە 2002 - دی ڤی کام 18 خولەک بەرهەمێ کوردستان تی ڤی، خەلاتا باشترین دەرهێنەر ل ڤیستەڤاڵابەغدا. گەف2003 - دی ڤی کام 23 خولەک، بەرهەمێ کوردستان تی ڤی، خەلاتا باشترین فیلم ل ڤیستەڤالا بەغدا ساڵا 2005 و خەلاتا ڕێزلێنان ل ڤیستەڤاڵا #سلێمانی# 2004. فیلما سینەمایی پەڕینەوە لە غوبار 2006 - 35 م م - 75 خولەک بەرهەمێ حکومەتا هەرێما کوردستان و کۆمپانیایا نارین فیلم، ڤێ فلیمێ ئەڤ خەلاتە بدەست خوەڤە ئیناندینە:
- خەلاتا باشترین دەرهێنەر ل ڤیستەڤاڵاسینەمایی یا سەنگاپورێ.
- خەلاتا ڕەخنەگران ل ڤیستەڤاڵا سینەمایی یا سەنگاپوورێ.
- خەلاتا زێڕین یا ئەلحەمرا وەکە باشترین فلیم ل ڤیستەڤاڵا گرانادایا ئیسپانی.
- خەلاتا برۆنزی ژبو نمایش کرنێ ل وڵاتێ ئیسپانیا ل ڤیستەڤاڵا گرانادایا ئیسپانی.
- خەلاتا لیژنەیا دادوەران ل خولا نەهەمێ یا ڤیستەڤاڵا سینەمایی یا دلهی ل وڵاتێ هیندستانێ.
- خەلاتا زێڕین وەکە باشترین فیلم ل ڤیستەڤاڵا سینەمایی ل ئەندۆنیسیا.
فیلما (پەڕینەوە لە غوبار) ئێکەم بەرهەما سینەماییا فیلما درێژ یا دەرهێنەر (شەوکەت ئەمین کورکی)یە کو کارێ وێنەگرتنێ ژ ئالێ وێنەگرێ ڕوژهەڵاتا کوردستانێ (تورەج ئەسلانی) بییە.[1]