ئەڎێ بۋینەو کناچۍ بوازە
ماچان ڕەفتارو کناچۍ مەلۊوە سەرو ئەڎێش، ڕاسەن، چوونکوم کناچۍ جە عەینو جنسو ئەڎێنە، کناچۍ فرەتەر پېوەسەنە بە ئەڎێشۆ، ڕاز و نیازش پەی ئەڎێش درکنۊ، ئاڎییچە کۊشش پەی مەگېرۊن، حەزکەرۊن پېسە وېش بەرپشۊن. کناچۍ فرەو ڕەفتارەکانە لاسایۍ ئەڎێ مەکەرۊوە، چوونکوم فرەو وەختو ژیواش، تاکو ئا دەمە کە شوو مەکەرۊن ئینا چەنی ئەڎێش.
وەڵینەکۍ بەپاو تەجرەبەو وېشان ئانەشا زانان، پەوکەی وەڵۍ ئانەی بلانە داواو کناچێ، پەی ئەڎێش دیێنۍ، دیێنۍ بزانان ڕەفتار و هۊرستە و نیشتەو ئەڎێش چەنینەن.
فرەو جاری دیەنمان کە بە ژەنێ تازە وەیۋۍ وچیان چن نەجیبەو هەرمان جوانەنە، لوێنۆ سەرو ئەڎێش، یان بە پېچەوانۆ واتەنشا بېیە پەیش چن پڕتۍ و هەڵەشېنە، ئەجۊ ئەوۍ بە دەم نیێنەرە.[1]