لاپەلێ وچکلە جە ڕومانەو چنارەی
بە بۊنەو ڕۊ زوانی ئەداییۆ لاپەلێوی وچکلە جە ڕۊمانوو چنارەیتا پېشکەش کەروو.
ڕۆ زوانی ئەدایی مەبارەک!
شەوەی تاریکەو پاییزی پېسەو چادرێوێ سیاوێ دەگاش پۆژنایبێرە. دەروېش میران چەودیمەنە سەرو مازڵۆخەکەیشۆ نیشتەبێرە، بەرەو هۆڎەکەیش خاس کپ کەردەبۍ تاکو کەمتەر دەنگ و هاواروو پەروانەی کناچۍش بژنەوۆ، چوونکە نەتاوێ تاقەت بارۆ و گۊشش جە ئێش و ئازارەکاشۆبۊ.
جە درزوو دەلاقەو هۆڎەکەیەنە کڕێوەو وێوی تننی پەردەکەش لا دا و ئاما دلێ، هۆرسۆ و لوا ڕوەو دەلاقەکەی تاکو کپش کەرۊوە و دۆش پۆ، چەمۍوش وست ئەو بەری، دەگا ئاننە بۍ دەنگە بۍ ئەجۍ قوشش نېیا چەنە. هۆرێ سیاوێ سەرو ئاسمانوو دەگایشا گرتەبێ. هۆرەکێ ئاورێ ۋارانېۋی ورژمی بێنێ، کە بە ئاشکرا چەمەڕایی هۆرەترێشقێوی کەرۍنێ تاکو بزا.
ئاننەش پۆ نەشی ئاسمان دەسش کەرد چەخماخانی و شەوقوو برووسکێوی کەشەکەو ئەوڎەسوو دەگایش ڕۊشن کەرد. چەنی ڕۊشنایی کەشەکەی، شرێخە و گرمەو هۆرەکا دەلاقێ یانەکاش لەرزنێوە و کۆپڵەواران بە خوڕڕەم داشەرە و ئامارە وار. چەنی گرمەو هۆرەترێشقەکەی دەنگو زارۆڵەکەو پەروانەی چەودیمەنە بەرز بیەو، دەنگېو کە پەروانەش دماو ئا گردو ئێش و ئازاریە نەجات دا و ئەهوەننەش کەردۆ.
ڕەزا بەهمەنی.[1]