#ئێزدی خودێ پەرێسن#
ئێزدی تنێ خوە بۆ خودێ د شکینن و هیڤی و دوعایا ژ خودێ دخوازن بەلێ گەلەک کەسانێن بیانی ڤی تشتی ڕەت دکەن و ئێزدیان ب شێوەکی خەلەت بۆ خەلکێ ددەن ناسین لێ چوو راستی بۆ هندێ نینە کو ئێزدی خوە بۆ خودێ نا شکینن و ئێزدی نە خودێ پەرێسن بەلکو ئێزدیان بەری هزارەها ساڵان عەبادەت بۆ خودێ دکرن ب زارێ خوە و ب زمانێ خوە خودێ د پەرستن و ب هەزارەها قەول و بەیت و قەسید ب خودێ و ناڤێ خودێ گۆتینە و نڤیسینە ب زمانێ کوردی و ئەڤە وێ چەندێ د گەهینت کو ئێزدی خودێ پەرێس و خودێ ناسن. هەر کەسەکێ دیڤچوونا قەولێن ئێزدیان بکەت دێ بۆ وی ئاشکرا بت کو ئێزدی خودێ پەرێسن و خێر و خلمەتا بۆ ناڤێ خودێ دکەن و هەر تشتەکێ ئێزدی بکەن ناڤێ خودێ د ئینن ل دەستپێکێ، وەک د ڤان سەبەقێن قەولی ژی دا دیار کو ئێزدی خودێ پەرێسن و ژبلی ڤان سەبەقا چەندین قەول و بەیت ب ناڤێ خودێ و مەزناتیا خودێ هەنە

ب ناڤێ یەزدانێ دلۆڤان و مهرەبان

یا رەبی! تو هەی ، ئەز نینم
تو رەحم ، ئەز گونەهم
تو خودان حەق ، ئەز بەندم
* * *
ته نه چۆنه ، تو یی چەندی
ته نه بەژنه ، تویی بلندی
ته نه ئا‌وازه ، تویی ب دەنگی
* * *
جهێ ته هەمی عەرده
تو خالقه جملەتی عالەم
ته دایه هەزرەتی ئادەم
ته کر دەما مه ، ئەف دەم
* * *
یارەبی ! تو وەلیێ فەزرا خێژی
تو روحان ژ روحا دبرێژی
تو ژ سەران ، روهان داڤێژی
* * *
تو نه مینا مه کێم دبینی
تو ل سەران روحان دگەهینی
* * *
یا رەبی! تو خودایی ، تو پەدشایی
تو عەلیمێ علمایی
تو خوندکارێ سەر چەند پەدشایی.!
* * *
ته نه خافه ، نه خورده
ته نه ئا‌وازه ، ته نه دەنگه
خودان مالی ، خودان پەرده
جهێ ته هەمی عە‌رده
* * *
تو خودایی! دەردەمەندم
بەخشندەیی ، به گوناهی
تو لایقی مەدح و سەنایی
کەس نزانه تو چاوانی !
* * *
تو هەم دەردی ، هەم دەرمانی
حەکیمێ شاﮪ و گەدایی
* * *
يا رەبی تو پەدشایێ عەرش و ‌کورسی
خالیقێ گا و ماسی. [1]