بېیەبۍ مەراقم
مەراق، خەفەت و دڵتەنگین، ماتەمین، کەنار گېرتەین. وەختێ ئینسان تووشو کارەساتێ مەبۊن، یام کەسێ نزیکش جە دەس مڎۊن، یام دڵش زامڎار کریۋن، ئیتر ملۊنە کەنارو بە بۍ دەنگی وەرو وېشەرە خەفە موەرۊن، دڵش تەنگ مەبۊن، سەرەمڕە ویرۍ مەکەرۊوە، کەسی جە دەس شېیەش، یام ماڵی زەرەرش، مارۊوە وەرچەما، خەفەت چا قسە گولۍ وەرۊن هەکە پەنەشان واتەن. خەفەت و مەراق ئینسانی شانارە، زایېفش مەکەران، بۍ وەرم و واردەش کەران، هەر پەوکەی ئا کەسۍ هەکە مەراق موەران توشو نەوەشی مەبان.
ئیدیومەکۍ بەرۋستێن پەی ئا بارەیە، کەسێ مەگېڵۊ شۊنەو هەواڵێرە، بەڵام دەسش نمەگنۊ، وەختێ هەواڵەکەش پەی ماران، بە کەمێ وەشیۆ ماچۊ: بیەبۍ مەراقم.
یام چەمېش به دۊسێ کۊنیش ڕۊشنۍ مەباوە، پەنەش ماچۊ دیڎارت بېیەبۍ مەراقم، خوڎا شوکور چەمم پەنە کۆتیۆ.[1]