عەبوولە
بەشی یەکەم
عەبوولە، ماچۊ قەراربێ گاوێ ورەشو، کابرێوە قەرارش دابێ سەعبێ زوو بۍ تەماشەش، منیچ چەمەڕایش کەرېنێ کە بێ، فرەش پەنە نەشی ترۆمبیلێ زیاوە، مڎیەو بەسایەقەکەیۆ یەرێ پېیێو ژەنێ وەستێرە، یۆشا چۆڎار بێ، پەوچیش ئاردەبێ بزانۆ گاوەکێ پیرەنېیەنە؟ دڎانېش نەکەوتێنێ؟ بۍ عیللەتەنە؟ وە چن مېژۆ؟ ژەنەکێچ واچۍ فەقیرەنە؟ دۆشیۆ؟ ماسش وەشا؟ بەش هەسوهۆڵبۆ، پیاکەیچ واچۍ ئەی چە توخمێنە؟ توخمەکەش عالا؟ دماو فرێوە مامەڵەی ژەنەکێ ماچۊ شۊتی فرەیچش نەبۊ چەنە قەیمەکەرۊ، چوون کەمێ بېیېنمۍ بەشو ئېمە شۊتش چەنەن،
عەبولەیچ ماچۊ ئەی شمە کناچێوەتا نەبۍ؟
پیاکەیچ دەمش کەردۆ: بەڵۍ بێما، وەلێ داما شوو.
بەکێتا دا؟
بەکوڕێ شاری، بەخوڎا نامەکېش مەزانو چچ..چچ
ڕوەش کەردە ژەنێو ئەرۍ قەڵاشیم داسەرەترە نامېش چېشا؟ ژەنێچ ماچۊ نامېش چۆپین، چوزانو حەوت پەشتێچما مزگیێنە نماشا نەکەردێنە.
عەبولەیچ ماچۊ واتم: یانەم کاول کەردیدێ چوار نەفەرێ ئامێندێ تەماشەو گاوێ بزاندێ خاسەنە، خرابە هەنە، کەچی نەپەرسانتا پەی زەماکەیتا بزاندێ عەسڵ و نەسەبش کېن.
عەفان دەرەمەڕی.[1]