یەکێتی تۆپی پێی ئێراق لە شاری بەغدا بە ئامادەبوونی عەدنان درجال سەرۆکی یەکێتییەکە و جێگری سەرۆک و ئەندامانی و نوێنەری یانەکانی خولی نایاب و پلە یەک کە ئەندامن لە دەستەی گشتی یەکێتییەکەی دا، وۆرک شۆپێکی تایبەتیی بە شێوەی ئۆنلاین لەگەڵ ڕابیتەی اللالیغای ئیسپانی و بە ئامادەبوونی خافیر تیباسی سەرۆکی ڕابیتەکە ئەنجام دا.
لەو وۆرک شۆپەدا کە حاکم #مەحمود ئەحمەد موراد#ی جێگری سەرۆکی یانەی پێشمەرگە ئامادەی بوو، عەدنان درجال باسێکی لە گرنگی ئەو کۆبوونەوەیە کردوو ئاماژەی بەوەشکرد کە ئەنجام دانی خولی پیشەگەران گرنگی زۆری دەبێت بۆ برەودان و بەرەوپێشچوونی یاری تۆپی پێ‌ لە وڵاتدا و وە دەبێت جگەلە خولی پێشکەوتوان گرنگی بە ئاستە تەمەنەییەکان بدرێت تا لەوێوە بگەینە ئاستی وڵاتانی دنیا و وڵاتمان لە ڕووی وەرزشەوە بەرەو پێش ببەین.
پاشان خافێر تیباس سوپاسی یەکێتی تۆپی پێی ئێراقی کرد کە دەیانەوێت گرنگی بە ژێر خانی وەرزشی خۆیان بدەن و بە گرنگی زانی نوێنەری یانەکانی خولەکانیان سەردانی وڵاتانی ئیسپانیا بکەن و ڕاستەوخۆ لەو خول و وۆرک شۆپانەدا بەشداری بکەن کە بەڕێوە دەچێت و ئاماژەی بەوەشکرد کە لە ماوەیەکی نزیکی داهاتوودا شاندێکی وەرزشییان سەردانی ئێراق دەکەن کە لە چەندین پسپۆڕ و کەسانی شارەزا پێک دێن ئەوەش بە مەبەستی هەمانگی و هاوکاری زیاتری ژێر خانی وەرزشی ئێراق و بە تایبەت یاری تۆپی پێ‌.
[1]