پایېز
پاییز، ئەی وەیوڵەباڵەکێ سرووشتی،
پاییز، ئەی هۆرگیرو قەوارەو ماتەمو خەزانی،
دلێ دەلاقەو هۆدەکەیممەنە وینوت کە بۍ خەبەر ئامانی و بېیەنی بە مێمانم،
وینوت بە تەمەلولو هەناسەیت گەڵا زەرد و سوورەکا شەنێ کەری و دۆگە دۆگە مرێزنیشارە وار و مەرگو سۊزاییم پەنە مرمانی.
وینوت بە لەق و پۆ و شاتە سوەیل بەردەکات، تەرزیت وسێنەنە بینەقاقێ هامنی و بۍ ڕەحمانە خەریکو خنیکنایشەنی.
چی ئامانی؟ هامن لا منۆ هەڵای مەنەن!
نەکەرۊ پاییزو ژیوایم مێمانی کەردەبی و هەواڵو تاریکە زمسانو عەمریم ماری.
نا نا، پاییز، ڕاد گمە کەردێنە بېیەنی بە مێمانم، ئانەیە بزانە تاکو هازەو ژیوایم چەنە مەنۆ و گۆراڵێ هۆمێدیم دلێ دەشتەو سۊزەڵانی ئەشقیەنە، سوور برمانۆ، هەرگیز تەسلیمو تۊ مەبو، خیاڵت خاوا.
ڕەزا بەهمەنی.[1]