هەڵبژاردەی موایتای ئێراق بەشدارە لە پاڵەوانێتی وڵاتانی عەرەبی بۆ ئاستە تەمەنییەکان و لەنێو پێکهاتەی هەڵبژاردەکە، #باڵا فاخر#، یاریزانی تیمی موایتای یانەی پێشمەرگە پێکهاتەی ئەو هەڵبژاردەیەی بەهێزتر کردووە.
سەبارەت بە بەشداری ئەو یاریزانە بەهمەن محەمەد ڕاهێنەر لە تیمی موایتای یانەکە بە پێشمەرگە سپۆرتی ڕاگەیاندوو وتی، پاش بەشداریمان لە پاڵەوانێتی یانەکانی ئێراق و پیشان دانی ئاستە بەرزەکان لەلایەن یاریزانانی یانەی پێشمەرگە، یەکێتی موایتایی ئێراق بانگێشتی باشترینەکانی ئەو پاڵەوانێتییەی کرد کە خۆشبەختانە یانەی پێشمەرگە لەنێو 550 یاریزانی بەشدار توانی پشکی هەبێت و یاریزان باڵا فاخری تەمەن 15 ساڵ دەست نیشان کرا.
بەهمەن ئاماژەی بەوەشکرد کە ڕۆژی سێشەممە ڕێکەوتی #22-08-2023# ڕکابەرییەکانی پاڵەوانێتییەکە دەستی پێ کردووە و ماوەی هەفتەیەک بەردەوامی دەبێت کە هەڵبژاردەی ئێراق بە پێکهاتەیەکی بەهێز ڕکابەرە. [1]