نامۍ: جەمال
نازنام: بېدار
نامۊ تاتەی: حەبیبوڵڵا
ساڵۊ پېڎابېیەی: #1947ز#
یاگۊ پېڎابېیەی: #تەۋېڵۍ#
$ژیۋاینامە$
جەمال حەبیبوڵڵا فەرەج، ئەشناسیا بە (جەمال بېدار) ، ساڵەو (1947ز) جە شارەکڵەو (تەۋېڵۍ) ئامان دنیاوە، تەمەنو چوار ساڵینە تاتەش مەردەن، ئیتر چەنی ئەڎێش و برا گولانجڵینەکەیش کۊچشان کەردەن پەی دەگاو (دەگاشېخان) ی نزیک بە شارەدەگاو بېیارۍ، چاگە مەرزیێنېرە. ماموسا جەمال وانای سەرەتاییش جە بېیارۍ و میانیش جە هەڵەبجە و یانەو ماموسایاش جە سلېمانی تەمامنان، سەرەتاو حەفتاکانە بېیەن بە مامۊسا جە دەگاو (سەرگەت) ۍ، دماتەر فاڕیانۆ پەی دەگاو (پریسی سەرینی) سەر بە ناحیەو سیروانی.
ساڵەو (1970ز) لوانەنە دلۍ ژیوای هامسەری و بەرهەمو ئانەیچە پەنج کوڕۍ و چوار کناچېشا ۋستېنێ. ساڵەو (1988ز) وەختو کیمیاۋارانو شارو هەڵەبجەینە ئاوارۍ ئێرانی بیېنۍ، ساڵەو (1994ز) چەنی خانەواڎەکەیش گېڵانۆ پەی زېدو وېش، ئیسە ماموسان جە شارو هەڵەبجەی شەهیدی.
ماموسا جەمال بېدار بە نوونگەو بېڎاری و نیشتیمانی پەی ماوێوە جە وەزیفەی دوور وزیانۆ، ئیتر سەربەرزانە خەریکو پیشەو خەیاتی (جل ۋرازی) بېیەن. هەرچن بارو ژیوایش قورس بېیەن، بەڵام نەچەمیانۆ، سەرەمڕە بە دەسێش پیشەو بە دەسێش خامەش گېرتەن، هەمیشە شێڎاو کتېب وانایۆ بېیەن، دەسێ باڵاش جە نویستەینە هەن، بەرهەمەکېش زیاتەر فەرهەنگیۍ و ئایینیېنۍ کە بە زوانی هۆرامی و سۆرانی تۊمارېش کەردېنۍ.
بەرهەمەکۍ نویسەری:
1.قورئانی کەریم بە هۆرامی
2.هۆرامان و هۆرامی و واتەو وەڵینا، بەرگی یەکەم و دوەم.
3.بەرەو بەختیاری ئافرەت
4.سروەی بېداری، بەرهەمە شیعر
5.ناڵەی هەڵەبجە، بەرهەمە شیعر
6.دیاری بېداری، بەرهەمە شیعر
7.ڕەنجی بابردوو، ڕازە
8.لەخۆبایی بوون
9.دەرکەوتی نیشانەی نېر و مێ لە زاری هۆرامیدا.
10.وەرقوڵ (فەرهەنگی هۆرامی_ سۆرانی) .
ئاماڎەکەردەی: ئەسعەد ڕەشید.[1]