ڤیتامینەکان بۆ جەستەی مرۆڤ پێویستن و هەر یەکێکیان ڕۆڵی جیاوازی هەیە لەناو جەستەدا، کەم بوونەوەی هەر ڤیتامینێک گرفتی تەندرووستیی درووستدەکات، جەستە ناتوانێت خۆی ڤیتامین درووستبکات، پێویستە لە ڕێگەی ڤیتامین و تەواوکەری خۆراکییەوە وەریبگریت.
=KTML_Bold=ئەو ڤیتامینانەی بۆ جەستەت پێویستن لە وەرزی پایزدا.=KTML_End=
=KTML_Bold=1. ڤیتامین D=KTML_End=
بەهۆی ئەوەی خۆر کەمتر دەردەکەوێت لە وەرزی پایزدا، تووشی کەمیی ئەم ڤیتامینە دەبین کە بۆ تەندرووستی ئێسک و سیستمی بەرگری پێویستە، دەتوانیت لە ڕێگەی ماسی، زەردێنەی هێلکە و بەرهەمە سپیاییەکانەوە وەریبگریت.
=KTML_Bold=2. ڤیتامین C=KTML_End=
بەهۆی ئەوەی لەم وەرزەدا زیاتر ئەگەری هەیە تووشی پەتای وەرزی و هەڵامەت بیت، پێویستت بە ڤیتامین C هەیە بۆ بەهێزبوونی سیستمی بەرگری جەستە، دەتوانیت لە میوە مزرەکان، بیبەری شیرین و برۆکلی بەدەستی بهێنیت.
=KTML_Bold=3. ڤیتامین A=KTML_End=
ڕۆڵێکی زۆر باشی هەیە لە بەهێزکردنی سیستمی بەرگری جەستە، لە سەوزە و میوە زەرد و پرتەقاڵییەکاندا هەیە.
=KTML_Bold=4. ڤیتامین E=KTML_End=
بۆ پێست زۆر گرنگە و یارمەتیی گەشانەوەی دەدات، لە چەرەستاتدا هەیە، لەگەڵ سەوزە گەڵاتۆخەکانی وەکوو سپێناغ و برۆکلی.
=KTML_Bold=5. زینک=KTML_End=
ڕێگری دەکات لەوەی تووشی نەخۆشی بیت، لە ناوکی کولەکە، گۆشتی مانگا و گوێچکە ماسیدا هەیە. [1]