هەندێک لە دایکان و باوکان، بۆ ئەوەی منداڵەکانیان فێری ڕەفتاری جوان بکەن، ڕێگەی هەڵە هەڵدەبژێرن، وەکوو لێدان و وشەی نەشیاو، بەڵام شارەزایانی بواری پەروەردە ئەم ڕێگەیە بە ڕێگەیەکی هەڵە دادەنێن و دەڵێن کە کاریگەرییەکی درێژخایەن لەسەر کەسایەتی و دەروونی منداڵ جێدەهێڵێت.
=KTML_Bold=ماڵپەڕی Verywell Family پێنج ڕێگەی بڵاوکردووەتەوە بۆ ئەوەی سزای منداڵەکەت بدەیت بێ ئەوەی توندوتیژی جەستەیی و دەروونی بەرانبەر ئەنجامبدەیت.=KTML_End=
=KTML_Bold=1. چانسێکی پێبدە لە هەڵەکانییەوە فێربێت=KTML_End=
ئەوە کارێکی هەڵەیە کە لە منداڵەکەت بدەیت بۆ ئەوەی کارێک نەکات کە تاقینەکردووەتەوە، تۆ پێتوایە ئەم کارە منداڵەکەت دەپارێزێت، بەڵام منداڵەکەت پرسیار لە مێشکی درووست دەبێت کە بۆ ئەو کارە نەکات؟ هەر بۆیە چانسێکی پێبدە خۆی لە هەڵەکانی خۆیەوە فێربێت و ڕەفتارەکانی چاک بکاتەوە.
=KTML_Bold=2. لە حەزەکانی دووریبخەرەوە=KTML_End=
کاتێک منداڵەکەت هەڵە دەکات، بەشێوەیەکی کاتیی ئەو شتانەی لێ دووربخەرەوە کە زۆر ئارەزووی لێیەتی، یارییەکانی لێ دووربخەرەوە، یاخود مەیبە بۆ پارک، بەمشێوەیە فێر دەبێت هەڵەکانی دووبارە نەکاتەوە.
=KTML_Bold=3. ڕاستەوخۆ سزای بدە=KTML_End=
سزای منداڵەکەت بۆ دواتر دوامەخە، چونکە منداڵەکان زۆرکات نازانن لەسەر چی سزا دراون و کەلوپەلە خۆشەویستەکانیان لێ دوورخراوەتەوە، هەر بۆیە ڕاستەوخۆ سزای بدە بەمشێوەیە دەزانێت هەڵەکەی چی بووە.
=KTML_Bold=4. پاداشتی بکە=KTML_End=
ئەگەر بۆ هەر کارێکی باشی منداڵەکەت، پاداشتێکی بکەیت، بەمشێوەیە هانی دەدەیت لەسەر کاری باش بەردەوام بێت و ڕەفتارەکانی چاک دەکاتەوە.
=KTML_Bold=5. ئاگاداری بکەرەوە=KTML_End=
کاتێک منداڵەکەت کارێکی هەڵە دەکات بە وشە پێی بڵێ کە کارەکەی هەڵە بوو وە چۆن چاکی بکاتەوە، بەمشێوەیە وشەکانت زیاتر کاریگەر دەبن. [1]