چی هۆرامیۍ بە زوانو ئەڎایی وېشان نمەنویسان؟
ئانزان دماو ئانەیی جە ئەڎایی بوو ئاوەزش کریوە دەس کەرو قسەکەردی و تاکو دمایی وەختێ گەرەکتا بنویسی ویر کەریۆ داخو مشیو ئانزان بە چ زوانێ بنوېسۊ؟
د.مستەفا زادە بەڕەحمەت بوو فەرمایشتێنە فەرماوو:
بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.
ئینجا ئیسە مەیمی سەرو ئانەی چی هۆرامیچ پیسە ئی گردو خەڵکەیە بەزوانو ئەڎایی ویشان نمەنویسان؟
یەکەم چیو بە پەیلواو من ڕوشنویرەکی و ویشا واتەنی زوان ئەژناسەکینی.
ئەر چیوێتەر شکەبەری تاوی کۊمێنتەنە بنویسیش
خو خوڎا نەکەرۊ نەفەرێ بێ بە زوانو ئەڎایش بنوېسۊ، هەزار نەفەریش چەنە ڕاسی باوە هەر یۊ بە نامۍ و نامونیشانێ ئێ وەڵا منیچ بوو نمەنوېسو.
جە وەختێنە ئی برادەره خەم وەری دویشا دلی ویشانە چەنی یۆترینی نمەکریوشان.
کاکی زوان ئەژناس، کاکی ڕوشنویر ئەوەڵ تەشریف بەردی چەنی یۆترینی بنیشدیرەو من من و تۊ تۊ وزدی لاوە
تەختە کرېڵێ و ڕانویسێ یۆگیر بنیەیدېرەو سەرش ڕېکی گندۍ و خەڵکی فیر کەردۍ ئا بزاندۍ گرد کەس نمەنوېسۊ؟
پاسە بزانو ئی هەمیرە ئاوی فرۍ کېشۊ، ئینەی من نویستەم بە کوڵی و بە پوختی ڕەنگا قسی دڵو فرېما بۊ، وەلۍ وەرو نەیارای بۊ، وەرو بۍ مەجالی بۊ، نەپەردەچیایی بۊ، هەرچی کە نامېش بنیەی نەنویستەبوشا.
ئاخریچۆ ئینەی واچو نە مەخسەڎم شەخسێن، نە گروپێ، نە لایەنێ، دمایی نەیدۍ بنیشدېرە، ئانە چانە مەخسەڎش فڵانا چێنە مەخسەڎش فیسارا و ئی بەزما.
هونیار ماچۊ:
هوشتا جە فەرهەنگی بۊ
کەم بواچدی ئەمن و تۊ.
ڕێبوار هەورامی.[1]