بە ئامادەبوونی هەریەک لە، حاکم #مەحمود ئەحمەد موراد# جێگری سەرۆکی یانەی وەرزشی پێشمەرگە و (م.شێرزاد محەمەد حەسەن سکرتێری یانە، م.ئیبراهیم قاسم ڕاوێژکاری وەرزشی سەرۆکی یانەی پێشمەرگە) لە شاری بەغدا و لەسەر یاریگەی تاجی یاری کۆتایی خولی تۆپی پێی پلە یەکی تازەپێگەیشتووانی یانەکانی ئێراق لەنێوان یانەکانی مینا و پێشمەرگە بەڕێوەچوو، لەو یارییەدا یاریزانانی هەردوو تیم تا خولەکەکانی ناوەڕاستی گێمی دووەم بە یەک ئاست بینران، ئەمە و پاش ئەوەی (سۆران سەلیم)ی ڕاهێنەری پێشمەرگە گۆڕانکاری لە شێوازی یاریەکەیان کرد لە خولەکی 72، (مستەفا عودەی) توانی گۆڵی یەکەم و پێشکەوتن بۆ تیمەکەی، تیمی تۆپی پێی تازەپێگەیشتووانی یانەی پێشمەرگە تۆمار بکات.
لە پاش ئەو گۆڵە و دوایی 9 خولەک، (سامی سەعید) دووبارە گەیشتەوە سەر تۆڕی گۆڵی یانەی مینا و گۆڵی دووەمی بۆ پێشمەرگەکانی سەوز پۆش یەکلاکردەوە و پاش ئەو گۆڵە و لە هێرشێکی پێچەوانەی یاریزانانی یانەی مینا توانیان لە خولەکی 85 گۆڵی یەکەمی خۆیان تۆمار بکەن، هەرچی لە خولەکی 90+4 بوو دووبارە سامی سەعید توانی گۆڵی دووەمی خۆی و سێیەمی تیمەکەی تۆمار بکات و لە کۆتایش پێشمەرگەکانی سلێمانی نوێنەرانی کوردستان لە خولی پلە یەکی یانەکانی ئێراق توانیان نازناوی خولەکە بەدەست بهێنن.
[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 149