لە شاری #هەولێر# لەسەر یاریگای شەهید فرانسۆ هەریری بەسەرپەرشتی یەکێتی ناوەندی گۆڕەپان و مەیدانی کوردستان و لەژێر چاودێری لیژنەی ئۆڵۆمپی هەرێمی کوردستان، بە مەبەستی زیاتر گرنگیدان بە یارییەکانی گۆڕەپان و مەیدان لە شارەکانی کوردستان و بەرەوپێشبردنی زیاتری ئاستی یارییە لە شارەکانی کوردستان، پاڵەوانێتی گۆڕەپان و مەیدانی کوردستان لە هەردوو ئاستی کوڕان و کچان بەڕێوەچوو، لە ئاستی کوڕان دە یانە کێبڕکێی بەدەست هێنانی پلەکانی پێشەوەیان دەکرد، لە ئاستی کچانیش حەوت یانەی شارەکانی کوردستان هەوڵی پاڵەوان بوون و بەدەستهێنانی ئەنجامی شایستەیان دەدا لەپاڵەوانێتییەکە، لە دوو پاڵەوانێتییەکەش یاریزانانی بەشداربوو کێبڕکێ بەهێزیان دەکرد لەسەر بەدەستهێنانی پلەکانی پێشەوە، ئەنجامی کۆتایش بەم شێوەی خوارەوە بوو.
=KTML_Bold=ئاستی کچان=KTML_End=
1- #زانکۆی سلێمانی# 139 خاڵ.
2- #یانەی وەرزشی سیروانی نوێ# 139 خاڵ.
3- سەورە111 خاڵ.
=KTML_Bold=ئاستی کوڕان=KTML_End=
1- سیروانی نوێ 144 خاڵ.
2- سۆلاڤی نوێ 122 خاڵ.
3- #یانەی وەرزشی شێروانە# 104 خاڵ.
[1]