ناڤ: محەمەد شێخ حوسێن بەرزنجی
جهێ ژدایکبوونێ: گوندێ #بەرزنجە# یا سەرب باژێڕوکێ #چوارتا#
ساڵا ژدایکبوونێ: #1923#
روژا وەغەرا داویی: #06-01-2000#
$ژیاننامە$
ل 06-01-2000 دا ل باژێڕێ سلێمانی و د ژیێ 77 ساڵیدە وەغەرا دوایێ کرییە و نەتەوێ کورد هوزانڤانەکێ بەهرەدار و ژێهاتی ل دەست چوو. ئەڤ کەسایەتییە ل ساڵا 1923دا و ل گوندێ بەرزنجە یا سەرب باژێڕوکێ چوارتا ل پارێزگەها #سلێمانی# ژدایک بوویە و ماڵا وانا د ساڵا 1931 چوویە سلێمانی و هەر لوێرێ ئاکنجی بووینه.
ل ڤی باژێڕێ زیندی دە چوویە بەر خوەندنا فەرمی و قوناغێن سەرەتایی و ناڤەندی تمام کرینە و ل ساڵا 1946دا وەکە فەرمانبەر هاتییە دامەزراندن و د ئەرکێ خوە یێ نوودا نموونەیا فەرمانبەرەکێ خزتگوزار و دەست پاک بوویه. ل ناڤەڕاستا ساڵێن چل یێن سەد ساڵا بیستەم دە تەڤلی بزووتنەوەیا نشتیمانی یا پێشکەفتنخواز بوویە و ل ساڵا 1963دە لسەر هەڵوەستەیێ ڕامیاری توویشی گرتن و دەستەسەر کرن و ئەشکەنجەیێ دبیت و هەیا ساڵا 1968بێ کارو فرمان دمینت و پشتڕە ڤەگەڕیایە سەر کارێ خوە. ع.ح.ب ل ساڵا 1945ێ ڕە هەڵبەستێن نشتیمانی گوتینە و ل دەستپێکا ژیانا هونەرییا خوە دە کەتییە بەرکاریگەرییا هەڵبەستێن ساڵامێ ساحێبقران #تایەر بەگێ جاف# و ئەدەب و #شێخ ڕەزایێ تاڵەبانی# و پشتڕە هەڵبەستێن #پێرەمێرد# و #گۆران# پتر ژبو گوڕەپانا ئەدەب و هونەرێ ڕاکێشاینه، لێ پشتی کو کارینێن وی د بوارێ شەعر و هەلبەستان دە بهێز بوویە، بوویە خوەدیێ دەنگێ خۆە. شاعیرێ نشتیمان پەروەر، هەڵبەستڤانەکێ ڕیالیستی یێ ڕەخنەگر بوویە، ئێکەم هۆزانا سەرکەتی یا وی ل ساڵا 1947دا ل گۆڤارا #گەلاوێژ# ب ناڤێ لەگەنجی و پیری و مردنا هاتییە بەڵاڤ کرن و سەرنجا ڕەخنەگران بخوە ڕاکێشایە و بوویە شاعیرێ سرووشت و جوانی و دەنگی هەژارێن بندەست و هەڵبەستێن وی ب زوری لسەر وەزنا سڤک یا خوماڵی یا کوردی دهاتن دەینان و ناڤەڕوکەکا پتەو و ڕوون و ئاشکەرە پێ دبەخشین، لەوما نووکاری ب هوزانێن وی ڕو یا دیار بوو.
شاعیر ل هەیامێ ژیانا خوە یا ئەدەبی دە چار دیوانێن هەڵبەستان چاپ کرن کو:
1- ناسۆری دەروون ل ساڵا 1968 دا و ل 188 لاپەڕەیان چاپ بوویە .
2- گرێی نهێنییەکان ل ساڵا 1975 و ل 88 لاپەڕەیان چاپ بوویە .
3- زەردەخەنەی تاساو ل ساڵا 1980 و ل 85 لاپەڕەیان چاپ بوویە .
4- تریفە و رێژاو ل ساڵا 1985 و ل 288 لاپەڕەیان چاپ بوویە .
[1]