کورد دلۍ چەرخەکا تاریخینە
بەشۍ: پەنجا و یەکەمە
نویستەی: #هاوڕێ باخەوان#

ساڵەو (344 ز): ئەچی ساڵېنە (ماریۆ حەنا) سەردارو قەشەکا هۆلېری بە دەسو پیێوە زەردەشتی کە نامېش (پیروز تەمشاپوور) بۍ، کوشېیا.
ساڵەو (345 ز): ئەچی ساڵېنە (ئەبراهام) کە قەشێوە گۆرەو شارو هۆلېری بۍ، بە دەسو پیا زەردەشتییەکا کوشېیا.
ساڵەو (350 ز): ئەچی ساڵېنە شاپوور پاشاو ئێرانی قەڵاو نوسەیبینیش داگیرە کەردە.
ساڵەو (359 ز): شاپوور پاشاو ئێرانی قەڵاو ئامەد- دیاربەکریش داگیرە کەردە.
ساڵەو (360ز): هەر ئەچی ساڵېنە شاپوور پاشاو ئێرانی پەلامارەو ناوچەکانو کوردەسانیش دێنۆو داگیرېش کەردېنۍ.
ساڵەو (362 ز): ئەچی ساڵېنە نزیکەو نۆ هەزار فەلۍ کوردۍ چەنی هیلیۆدۆری قەشەی جە قەڵاو فەنەکی پەی وەڵاتو خوارەزمی ڕاگوزەریێ.
ساڵەو (363 ز): پاشاو ڕۆم و ئێرانیانی کۆتۍ دلۍ جەنگێ و دمای مامەڵێوە سیاسی کوردەسان و ئەرمەنستان درێ بە ئێرانی.
ئەسعەد ڕەشید.[1]