کورد دلۍ چەرخەکا تاریخینە
بەشۍ: شەسس و دوەمە
نویستەی: #هاوڕێ باخەوان#

ساڵەو (906ز): ئەچی سەدەنە دەیسەم کوڕو ئیبراهیمی بنەچەو فەرمانڕەوایی کوردی هەزبانیش نېیارە. هەر ئەچی سەدەنە محەمەڎ کوڕو هیلالی بە وېش و تەمامو هېزەکەیشۆ هېرشش کەردەن سەرو ناوچەکانو نزیک بە موسڵی جە نزیک مەروبەو سەر بە ڕۊخانەو خازری، سوپاو ئەبو هیجای عەبدوڵڵاو کوڕو حەمدانی تەشەللوبیی والی موسڵیش تېک و پېکدا و سەردارێ گۆرەیچش چەنە کوشتۍ، بەڵام دماجار بە دەسو عەبباسییەکا کوشېیا.
ساڵەو (912ز): دلۍ شەرەفنامەینە ئامان گوایا لوڕی گۆرە و لوڕی گولانە کە دۋۍ برێ بیېنۍ، ئەچی ساڵېنە فەرمانڕەوێ لوڕستانی بیېنۍ.
ساڵەو (922ز): خەلیفە موقتەدیر بیللا، ئەبو فەزڵانش کېیاست سەرو هەرېمو باشکوردی و داگیرش کەرد.
ساڵەو (931ز): ئەچی سەدەنە دۆڵەتی دۆسکی مەرزیانەرە بە دەسو (دۆستەک – دۆشتێک) نامێەوە، جە خانەدانێ حەمیدی بېیەن.
ساڵەو (935ز): ئەچی ساڵېنە شاعیری نامڎار بابا تاهیری هەمەڎانی ئامان دنیاوە.
ساڵەو (941ز): ئەچی ساڵېنە (حەسەن وای کوڕو حوسێنی بەرزیکانی)، فەرمانڕەوایی وېش سەرو خېڵەکا ناوچەو شارەزووری بەیان کەرد. هەر ئەچی ساڵېنە فەرمانڕەوایی بوویهییەکا مەرزیانەرە.
ئەسعەد ڕەشید.[1]