کورد دلۍ چەرخەکا تاریخینە
بەشۍ: حەفتا و حۆتەمە
نویستەی: #هاوڕێ باخەوان#
ساڵەو (1259ز): مەغۆلەکۍ ئەچی ساڵېنە هپرششان کەردەن سەرو ناوچەکانو هەکاری و جەزیرەی.
ساڵەو (1260ز): ئەیوبییەکۍ ئەچی ساڵېنە کۊتا بە دەسەڵایتیشان ئامان دلۍ حەلەبینە.
ساڵەو (1262ز): میرنشینو بادینانی ئەچی ساڵېنە مەرزیانەرە سەرو دەسو شېخ بەهادین شېخ سەمسەدینیۆ، هەر بە نامۍ ئاڎییچیۆ نامۍ نریان (بادینان).
ساڵەو (1275ز): ئەچی ساڵېنە هەزار ئەسپ کۊچی دمایینش کەردەن.
ساڵەو (1281ز): ئەچی ساڵېنە مەغۆلەکۍ مەڕیێنۍ، دماتەر مېیانو کورد و تورکی بە واسېتەو ڕابەرێ سەربازی موسوڵمانەکاوە تەباییش کۆتەنە.
سالەو (1285ز): ئەتابەگ یوسف شا، ئەچی ساڵېنە جە لوڕستان کۊچی دمایینش کەردەن.
ساڵەو (1292ز): شېخ ئیبراهیم شېخ ئەحمەڎ، کە جە ناوچەو هەکاری دژو مەغۆلەکا گژیانو ناوچەکەش پارېزنان، ئەچی ساڵېنە مەردەن.
ساڵەو (1293ز): سەردارو لوڕستانی کە نامېش جەمالەدین خدر بۍ، چەنی قۆمەکاش ئەچی ساڵېنە بە دەسو مەغۆلەکا کوشیان. هەر ئەچی ساڵېنە فەلەکەدین و عیزەدین کە دۋۍ برێ بیېنۍ و فەرمانڕەوێ لوڕستانی بیېنۍ کۊچی دمایینشان کەردەن.[1]