ناونیشانی بابەت: ئارامی سەرکردە 11
ناوی نووسەر: #عەبدوڵڵا کەریم مەحمود#

ئەوەی مایەی پرسیارێکی بێ وەڵام و تێرامانێکی قوڵی جەرگ بڕە ، بۆ ئارام –ی سەرکردەی کۆمەڵەی مارکسی لینینی ، خاوەنی بەرنامەوپرۆژەیەکی گەورە و هەڵوێستی نوێ ، دوای تێک شکان و هەرەسی شۆڕش وپەرتەوازەبوو نی پێشمەرگە ،لە ناوچە ستراتیژەکانی دۆڵی جافایەتی وزەڵێ و قەندیل و سەر سنوورەکان نەمایەوە ؟ .
ئارام دەیویست به پرۆژە‌ و بەرنامەی نوێ، ئاراستەی نوێ ، شۆڕش لە رووی تیوریی و پراکتیکییەوە بە جۆرێک رەنگ بداتەوە ، لە ‌گەڵ دنیای چەق بەستو ی حیزبە سیسیاسییە کان و عەقڵی سەرکردە مەزاجییە خۆسەپێنەرەکان جیاوازبێت .
ئەودەیوسست ،خوێنی شەهیدان و رەنج و ماندووون وقوربانی پێشمەرگە و شۆ ڕش لەوە زیاتر بە هەدەر نەدرێت .
بە ئەزمونێکی نوێ ی سەردەمیانە ، بەرەوئاسۆیەکی نوێ . بوار نەدرێت پێشمەرگه و کادرە بەتواناو پێشکەوتوەکان ، بکرێن بە ئامێری مەرامی شەخسی ململانێ ی نابەجێ ی سەرکردەکان و لە سیناریوی جیاجیا ولە پلان و بەرنامەی نەخشە بۆ داڕێژراودا لە ناوببرێن .
بوار نەدرێت ، پێشمەرگەوفەرماندە وکادرە بە تواناو بە هەڵویستەکان بە بیانوی جیا جیاوە ب‌خرێنە پەراوێزەوە ، کەسانی کاسە لێس و ئینتیهازی ومەقاش وماستاو چی و پەرپوت و بێ توانا وهیچ لە بارا نەبوو لە شووێنی ئەوان دروست بکەن .
ئارام بۆ ماوەیەک ، لە گەرەدێ وزەرون و چۆخماخ ویاخسەمەرو قزلەرو ئاسنگەران مایەوە ، دوای چەند جەوله و کۆبونەوەیەک ، نە لە قەندیل و زەڵێ و دۆڵێ جافایەتی و شارباژێر نەمایەوە .
ئارام بۆ لەو ‌گوندانە و لەو ناوچە سەخت و ئەو جوغرافیا بەر بڵاوانە تا دەگاتە سەر سنوور نەمایەوە ، هەر هەموو ی چیای سەخت وئەشکەوت ولاپاڵ و شوێنی ستراتیجی وای تیایە ، هیچ کاتێک سوپای پیادەی عێراق و جاشەکان نەیان دەتوانی پەیان پێ ببەن.
بۆ دەبێت ئارام بە خۆی و رۆنیۆوتایپێکەوە ، له و شوێنە ستراتیژییەوە روو بکاتە سنووری بازیان و قەرەداغ ، هەمووی چەندکیلۆمەترێک ، لەشاری سلێمانی وچەمچەماڵ –ه و دوور بوو .
ئەو سەردەمە ، سەراپا نیشتمان کرابوو بە رەبایە و سەربازگەوئیستخباراتی عەسکەری بە پاڵپشتی چەندان مەفرەزەی جاشی تایبەت سەرپەرشتی هەموو جم وجۆڵێکی ناوچە جیا جیاکانیان دەکرد .
.ئەوسەردەمە لیوایەک بەسەرپەرشتی کەریم حەمدان ودەیان سەرەک جاشی وەک تەحسین شاوەیس و.قالە فەرەج و عاسی لە چەمچەمال دامەزرابوون ، بۆ کێوماڵ و راوی پێشمەرگە ، سوپاو جاش بە بەردەوامی بست بە بست و گوند بە گوند ، بە دوای پێشمەرگەدا دەگەڕان، بە زیندوێتی ..یا بەکوژراوی بیانگرن .
ئارام دەیزانی سنووری ناوچەی بازیان و.قەرەداغ ، شۆ ێنێکی ستراتیژ ی نی یە ، بۆ جەنگی پارتزانی و پێشمەرگایەتی لە بار نییە ،هەموو چرکەیەک ، ژیانی خۆی وهاوڕێکانی وپێشمەرگەکانی گەرمیان و بازیان وقەرەداغ لە مەترسی کێوماڵی سوپای عێراق وگەلەجاشەکان دایە.
هێزی ئاسمانی عێراق و کۆپتەر ، دەیتوانن هەموو ئاسمانی ناوچەکە بەنزمی کۆنترۆڵ بکات ، هێزی پێشمەرگە له و سەردەمەدا چەکی قورسیان نەبوو.
هێزی پیادەی سوپای عێراق و ئیستیخباراتی عەسکەری وجاش ، دەیان توانی لەماوەیەکی کەم دا ، بە ماشێنی سەربازی و چەکی قورسە وە لە جادەی قیرو رێگای خۆڵەوە بگەنە قوڵایی هەموو گوندەکانی گەرمیان و قەرەداغ.وبازیان.
+لە چەمچەمال و ئەڵایی و بازیان بۆ دێلێژە و گوندەکانی قەرەداغ.
+لە تاسلوجه و سلێمانییەوە .له نزیک هەزار مێردەوە بۆ گوندەکانی بازیان و قەرداغ.
+له سلێمانی وگڵە زەردەوبۆ گوندەکانی بازیان و قەرەداغ
+لە سلێمانی یەوە بۆدارەرەش بۆ گوندەکانی قەرەداغ.وۆ بازیان .
+لە دربەندیخانەوە بۆ گوندەکانی قەره غ.‌
+لە سەنگاوەوە بەره و کانی باجکه و گوندەکانی قەرەداغ و بازیان
ئارام و هاوڕێکانی ، دوای دەسگیرکردنی خاڵە شەهاب و جەعفەرو ئەنوەر و هاوڕێکانیان ، دوای تێکشکان و پچرانی زنجیرە رێکخستنەکان ، ئەندازیارو دارێژەری دروستکرنەوەی کۆمەڵەی مارکسی -لینینی وشۆڕشی نوی بوون ،
. رۆڵی سەرەکی ئارام و هاوڕێکانی لەدروست کردنی هەرێمەکان ،لە سەرهەڵدانی مەفرەزە سەرەتاییەکان .
ئارام لە هیچ سڵی نەدەکردەوە ،باکی لە مەرگ بوو ، ئه و دوای فەرمانی دەسگیرکرنی لە ناوجەرکەی شاری سلێمانی دا مایەوە .
ئەمنی عامەوئەمنی سلێمانی وئیستیخباراتی عەسکەری و بەعسی و جاسوس بەداوای دا دەگە ڕان ، لەم ماڵ بۆ ئەوماڵ ، لەم گەڕەک بۆ ئه و گەڕەک .لەم شەقام وکۆڵان بۆ ئه و شەقام و کۆڵانەی تر ، سەرقاڵی کارەکانی کۆمەڵە بوو .
ئارام لە ژیانی شاخ وپێشمەرگایەتی دا بەهەمان هەناسە و هەڵوێست، بە رۆحی تەحەدایەکی لۆژیکانە کارەکانی هەڵسوڕاندووە ، ئه و وەک پێشمەرگە وسەرکردە کی خاکی دەیویست ، لە سنووری جوغرافیایەک دا کار بکات ، هیچ کام لە سەرکردە کلاسیکییەکانی تر دەست لە پرۆژەوبەرنامه و نەخشەکانی وەر نەدەن .
چونکە عەقڵ و تێڕوانینی داخراوی ئەو سەرکردانە لە گەڵ پرۆژە و نە خشه و بەرنامە کراوەکانی ئارام نەدەگونجان و دوو هێڵی تەریب بوون .
ئارام سترایتژی پرۆژەی کارو و نەخشه و بەرنامەکانی لە ژیانی خۆی خۆشتر دەویست ، هەموو چرکەیەک ئامادەبوو گیانی خۆشی پێ ببەخشێ ، ئه و لە سنوری بازیان وقەرداغ بەناوی مەلا بەکرەوە جەولە ی بۆ ( دێلێژە ...گورباز..مێوڵی ...خاوێ...قازانقایە ....کونەکۆتر ...تەنگیسەر ....بارۆی ...گەرەزیل و.... گوندەکانی تر ) دەکرد .
ئارام یەکەم هەنگاوی پرۆژەکەی . لە مانگی ئەیلولی 1977، یەکەم ژمارەی ئاڵای شۆڕش- بوو ، لە ماڵی مەولود گوربازی لە ناو گوندی گورباز –ی تەنیشت دێلێژە -ی نزیک بازیان ، چاپ و بڵاو کردەوە .
هەموو.بەرهەمەکانی ئاڵای شۆڕش نوسینی خۆی بوو، سەرقاڵی ژمارە دووبوو ، هێستا تەواوی نەکردبوو .
خۆی وئاڵای شۆڕش ونەخشه و بەرنامه و پرۆژەکانی هەرهەمووی وەک مەسیح لە تەنگی سەرلە خاچ دران.
سەرچاوە :محەمەد شێخ عەبدولکەریم سۆلەیی .ئارام و بزووتنەوەی شۆڕشگێڕی کورد- بەشی یەکەم ،سلێمانی – 2007. [1]
=KTML_Bold=ئەم بابەتە بە ڕێنووسی سەرچاوەی ئاماژەپێکراو نووسراوە کوردیپێدیا بەهیچ شێوازێک دەستکاری نەکردووە=KTML_End=