کورد دلۍ چەرخەکا تاریخینە
بەشۍ: سەڎ و ششەمە
نویستەی: #هاوڕێ باخەوان#
ساڵەو (1710ز): عەباس قولی خان، ئەچی ساڵېنە بېیەن بە والی ئەردەڵانی. هەر ئەچی ساڵېنە شاباز بېیەن بە میرو دونبولی.
ساڵەو (1711ز): ئەچی ساڵېنە شاعېر (خانەی داجیوەنی لەک) ئامان دنیاوە.
ساڵەو (1713ز): شاباز خان کوڕو مورتەزا قولیخانی ئەچی ساڵېنە کریان بە میرو گردو کوردەکانو ئازەربایجانی.
ساڵەو (1714ز): ئەچی ساڵېنە بەکر بەگو بابانی بە فەرمانو والی بەغڎای کوشېیان. هەر ئەچی ساڵېنە بابانەکۍ هېرششان کەردەن پەی سەرو کەرکوکی بە نیازو ڕزگارکەردەیش، بەلام نەتاواشاو مەڕیێ.
ساڵەو (1715ز): تورکە موتەسەللیمەکۍ (المتسلم)، فەرمانڕەوایی میرنشینو بابانیشان ئەچی ساڵېنە دەس گېرتەن.
ساڵەو (1716ز): بەکر بەگو سڵێمان پاشاو بابانی ئەچی ساڵېنە ڕاپەڕنایش کەردەن دژو بەغڎای، بەڵام سەکۆتە نەبېیەن و کوشېیان. هەر ئەچی ساڵېنە شاو ئێرانی (عەلی قولی خان)ش کەردەن بە والی ئەردەڵانی.
ساڵەو (1717ز): ئەچی ساڵېنە عوسمانییەکۍ ناوچەکانو شارەزوریشان دان دەسو کابرێوە غەوارەی.
ساڵەو (1718ز): تاکو ئی ساڵۍ، بەگزاڎۍ جافەکا خاوەن دەسەڵاتو وېشان بیېنۍ و تەنیا بە نامۍ چېرو دەسەڵاتو میرو ئەردەڵانییەکانە بیېنۍ.[1]