کورد دلۍ چەرخەکا تاریخینە
بەشۍ: سەڎ و سی و ششەمە
نویستەی: #هاوڕێ باخەوان#
ساڵەو (1815ز): ئەچی ساڵېنە چن تۊمارێ پەی ئېمە مەنېنێ:
* ئەچی ساڵېنە حاجی مەڵڵا ئەحمەڎو نۊدشەی شاعېر ئامان دنیا.
* جەعفەر قولیخانی میرو دونبولی، ئەچی ساڵېنە کۊچی دمایینش کەردەن.
* ۋانگاو کلدانییەکا دلۍ شارو سلێمانینە، ئەچی ساڵېنە مەرزیانەرە.
* پاڎشاو کۆرەی، ئەچی ساڵېنە هېرشش کەردەن سەرو هاودیانی و تەمەرخانی مامۊش بە دیل گېرتەن.
* ئەچی ساڵېنە، یام ساڵەی دمایینەنە پاڎشاو کۆرەی، کارخانێ وەشکەردەی چەکیش دلۍ گەڕەکەو کاولۆکانی ڕەواندوزی مەرزنانەرە، ئۊسا ڕەجەب وەرپەرسش بېیەن و خانی گیڵدییچ وەردەسش بییەن.
* تاریخو (01-01-1815ز): ئەچی تاریخەنە هېزەکانو پاڎشاو کۆرەی قەڵاو (شیتنە)یشان گېرتېنە، تەمرخانی مامۊش و موحەمەڎ ئاغای کوڕش بەدیل گېرتېنۍ، دماتەر میرو سۆرانی موحەمەڎ ئاغاش کەردەن بە سەردارو شارو (شیتنە)ی.
* تاریخو (12-02-1815ز): ئەچی تاریخیچەنە، یەحیا بەگ میرو ڕۆستی دریان قەنارە بە فەرمانو پاڎشاو کۆرەی، چوونکوم یۊ بېیەن چانېشا کە بەربەرەکانۍ پاڎشاو کۆرەیش کەردەن.
* تاریخو (20-02-1815ز): دمای دیل کەردەیشان، ئەچی تاریخەنە تەمرخان و موحەمەڎ ئاغای کوڕش، بە فەرمانو پاڎشاو کۆرەی دریێنۍ قەنارە، ئا دوە مامۊ و مامۊزێ وېش بیېنۍ.
* تاریخو (07-09-1815ز): ئەچی تاریخەنە، ئەحمەڎ بەدیر دلۍ جەنگو قەڵاو (کاکلا)ینە کوشېیان، نامبریا یۊ بېیەن جە سەردارە سەربازییەکا پاڎشاو کۆرەی، ئا جەنگە هەشت ڕۋېش خواینان و پاڎشاو کۆرەی قەڵاکېش گېرتېنە.[1]