حەیا ئینا چەمېوە، کە چەمۍ نەبیۍ، حەیاچ نیەنە
حەیا، بە ماناو شەرمی، ئەدەبی، پاکی، هەر سیفەتێ جوانی مەی. مروڤی بە حەیا خاوەن کەسیێ مەرزیارەی و پەڕ ئەدەبېیەن، کەسی بە حەیا بە حورمەتۆ گفت و گۊ چەنی خەڵکی مەکەرۊن، هەرگیز بۍ ئەدەبی وەراوەرو کەسی نیشانە نمەڎۊن، بە پېچەوانۆ کەسی بۍ حەیا، هیچ وەربەرسێ ئەدەبی و ماریفی نېیەن وەردەمشەنە دەمو گفت و گۊی چەنی خەڵکی، بە دژمانی و قسۍ نزمۍ پەلامارەو خەڵکی مڎۊن.
واتەنشا حەیا ئینا چەمېنە، ئینە دەسەۋاچێ تاریکەن، فرە ڕۊشەن نېیەن، بەڵام ئانەی کە دیارەن چەمۍ ئینسانی پەی وېشان زوانێ جەسەینۍ هەکە فرەو بارە دەروونی و دلېنەکا ئینسانی بەرمەوزان. چەمۍ ئینسانی قسۍ کەران، ماچان ئی کەسە تووڕەن یام هېمنەن، وریان یام گېژەن، بە حەیان یام بۍ حەیان، .....هتر.
ڕەنگە مەبەسو ئیدیۆمەکۍ ئانەیچە بۊن هەکە ئینسانی بۍ حەیا هەقیقەت و ڕاسی نمەوینۊن، عەیبە نمەوینۊن، وەختێ بۍ حەیایی وەراوەرو کەسێ مەکەرۊن دماڕۊی نمەوینۊن هەکە مەشۊم باجو ئا بۍ حەیاییاشە بڎۊن.[1]