نەقیزۍ هەرەکەی نەڎۊ
گېڵناوە سەرەتاو ساڵەکا هەشتاینە، یۊ چی بەنام سەرکردە سیاسیا یانەش لادەگێوەنەبۊ، کابرێوە خەڵکو دەگاکېچ هامساش بۊ و وەشش نمێ چارەو وەرپەرسە سیاسییەکەی و پا وەساسەتۆ مەرحەبایش نمەکەرۊ، کابرای وەرپەرسیچ لاو خەڵکو دەگێکېوە گلەیېش کەرۊ و ماچۊ لاووېشۆ هامساما کەچی مڎۊ لامەرە و مەرحەبایم مەکەرۊ، خەڵکەکەیچ گلەییەکا یاوناوە هامساکەیش.
چا ڕوە بەدما کابرای لادەگای پېسەو کاردایۆ پەی گلەیەکاش بە سواریی هەرەکەیشۆ دۍ وەرو یانەو کابرای سیاسیرە و وەرو بەرەکەیشەنە نەقیزێوە هەرەکەیش دۍ و هەرەکە جوتلێوە و دوۍ تڕۍ کەنۍ.
دمای دوۍ یەرۍ جارا کابرای وەرپەرس ناچار پەناش بەردۆ پەی لاو خەڵکو دەگێکۍ و واتش واچدېش پەنە: کاکە سڵامم گەرەکنیا و نەقیزۍ هەرەکەیش نەڎۊ و تڕۍ هەرەکەی نەڎۊ لوتەمەرە.
ئېمەیچ ماچمۍ بە کاربەدەسا دەسەڵاتی: پېسەو قوتو خەڵکەکەیتا بڕیەن داواتا وەنەکەرمۍ قسۍ بۍ سەروتنېچ مەکەردۍ.[1]