کورد دلۍ چەرخەکا تاریخینە
بەشۍ: دوەسەڎ و نوزڎەهەمە
نویستەی: #هاوڕێ باخەوان#
ساڵەو (1897ز):
چن تۊمارێ پېوەس پی ساڵېوە ئینێ وەردەسەنە:
* حاجی قادری کۊیی ئەچی ساڵېنە کۊچی دمایینش کەردەن!
* ئەچی ساڵېنە، موحەمەد عەلی عەونی نویسەر و کۊششکارو کوردی دلۍ شارو سوېرەکی سەرنیشتو کوردەسانی ئامان دنیا، نامبریا یۊبۍ جە ئەرەمەرزناو کۊمەڵەو خۆییبوون، پاسە بەرکۆتەن هەکە کتېبو (کېشەو کوردی) ئاڎیی نویستەن و نامۍ د. بلەچ شێرکۆچ، نازنامو ئاڎی بیېنە.
* ئەچی ساڵېنە، عارەب شامیلۆڤ ئامان دنیا، نامبریا نویسەر بییەن.
* ئەچی ساڵېنە، ئەفسەر یونس عەبدولقادر سەعید ئامان دنیا.
* عەبدوڵڵا پاشاو دیرەلی پەی ماوەو ساڵێ بېیەن بە فەرمانڕەواو سلێمانی.
* ئەچی ساڵېنە یەکەم دەزگاو تەلەگرافی دلۍ شارو سلێمانینە نریانەرە، موجریم ئەفەڼی هەرمانەش سەر کەردەن.
* ئەحمەد موختار جافی شاعېر، ئەچی ساڵېنە جە هەڵەبجە ئامان دنیا.
* کامیل حەسەنی شاعېر و نویسەر، ئەچی ساڵېنە ئامان دنیا.
* مسیۆنێرە ڕووسەکۍ جە ورمێ بنکێوەشا مەرزنارە و کۆتۍ وەڵاکەردەی پاگەڼا دلۍ ئاسوورییەکانە.
* ئەچی ساڵېنە، پرۆفیسۆر پنچیس وتارێش سەرو ئا تەختەگڵا نویست کە جە ناوچەو (نوزی_کەرکوکی کۊن) ئېزیێبېنێ.
* ئەچی ساڵېنە، شاعېر مەلا خەلیل موحەمەد منەوەری داودە کۊچی دمایینش کەردەن.
* تاریخو (26-04-1897ز) ماموسا جەلادەت بەدرخان ئامان دنیا، کۊششکارێ کوردی بییەن، سەردەمو کەمال ئەتاتورکینە فرمانو قەنارەدایش پەی بەرشییەن چەنی ئەمین پاشای تاتەیش و بەدرخان و سورەیای برایش، بەڵام وېشا ڕزگارکەردەن، جەلادەت بەدرخان گەلێ ڕۊنامېش بەرکەردېنۍ کە دیارتەرینېشان (هاوار و ڕوناهی)نۍ.[1]