کورد دلۍ چەرخەکا تاریخینە
بەشۍ: دوەسەڎ و ویس و پەنجەمە
نویستەی: #هاوڕێ باخەوان#
ساڵەو (1903ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، ساڵح وەسفی ئەفەندی پەی ماوەو ساڵێ بییەن بە فەرمانڕەواو سلێمانی.
* حوسێن قولیخانی نیزامولسەڵتەنەو ئازربایجانی جە تەورېز چەنی جەعفەر ئاغاو شکاکی نیشتەرە، پەی دڵنیاییچش لاپەڕێوە قورانیش پەی مۊرە کەرد و قۆلش پەنەدا کە ببۊن بە سەردارو هۊزەکەی.
* ئەچی ساڵېنە، شاعېری عەرەب محەمەد مەهدی جەواهیری دلۍ شارو نەجەفی ئامان دنیا، نامبریا تاکو مەرد دۊسێ بە وەفاو میللەتو کوردی بۍ.
* ئەچی ساڵېنە، چن ئەفسەرێ سوارەی حەمیدی دەسگیرۍ کریێ بە تۊمەتو ئانەی کە یاردی ڕېکۋزیا ئەرمەنیەکاشا دان.
* ئەچی ساڵېنە، ئەحمەد محەمەد ساڵح جاف ئامان دنیا.
* ئەحمەد خواجەی نویسەر، ئەچی ساڵېنە دلۍ شارو سلێمانی ئامان دنیا.
* ئەچی ساڵېنە، کونسوڵخانەو ڕووسی جە شارو وانی مەرزیانەرە.
* ئەچی ساڵېنە، جگەرخوێنی شاعېر جە قامیشلۆ ئامان دنیا.
* عەبدول واحید نوری شاعېر، ئەچی ساڵېنە جە شارو سلێمانی ئامان دنیا.
* ئەچی ساڵېنە، ئەلبەرت فۆن لکۆیکش، چڼین ڕازۍ کوردیېش بە زوانی ئەڵمانی وەڵێ کەردێ.
*تاریخو (14-03-1903ز) مەلا مستەفای بارزانی جە دەگاو بارزانی ئامان دنیا.[1]