کورد دلۍ چەرخەکا تاریخینە
بەشۍ: دوەسەڎ و چل و دوەمە
نویستەی: #هاوڕێ باخەوان#
ساڵەو (1911.ز):
* سەرەتاو ئی ساڵېنە، جەنگێ میانو شېخ عەبدولقادر شەمزینی و شېخ تەها شەمزینی قۆمیشەنە قۊمیا.
* ئەچی ساڵېنە، مینۆرسکی، کە کورد ئەشناسێ بەنامبانگەن، دلۍ ناوچەکانو مەهابادی و بۊکانی پېسە باڵیوزو ڕووسیەی نیشتەجا بی.
* سەرەتاو ئی ساڵېنە، تورکەکۍ کۆتۍ پاگەڼۍ دژو ڕووسەکا دلۍ وەرکۆتو کوردەسانی.
* کۊتاو ئی ساڵېنەو سەرەتاو ساڵەی دماینۍ، ڕووسیا دەسشکەرد بە بنیاڎنیای ژمارێ فرەتەر جە قونسوڵخانەکاش دلۍ وەرکۆتو کوردەسانینە.
* ئەچی ساڵېنە، سمکۆ پېوەڼیش چەنی هېزەکانو ڕووسیای مەرزنارە.
* ئەچی ساڵېنە، کتېبێ بە نامۍ (تاریخو کورد و ئەرمەنی) بە دەسو (شاهباز)ی جە ئەستەمبوڵ بەرشېیەن.
* وەهارو ئی ساڵېنە، عەبدولڕەزاق بەدرخان گەشتێش میانو سنوورو تورکیا و ڕووسیای کەرد، چەنی سەرخېڵە کوردەکا و کیانەرە ڕووسەکا گفت و گۊش کەرد، نیازو گەشتەکەیش ئانەبۍ کە کوردەکانو ئێران و تورکیای دژو داگیرکارەکا ڕېک بوزۊن.
* ڕۆدۆلف فڕانک، ئەچی ساڵېنە نامیلێوەش بە زوانی ئەڵمانی دەربارەو شېخ عودەی سەرگۆرەو یەزیدیەکا وەڵاکەردۆ.
* پایېزو ئی ساڵېنە، پاگەڼێوە فرە دلۍ کوردەسانینە وەڵابیۆ دژو تورکەکا و وەڵابېیەیۆ دروشمەو (ئی خاکە خاکو وېمانە) دلۍ کوردەکانە.
* دلېڕاسەو ئی ساڵېنە، گفت و گۊ میانو عەبدولڕەزاق بەدرخانی چەنی ئەلڤیرێڤی یاوەرو قونسوڵو ڕووسی جە (وان) کریان.
* کۊتاو ئی ساڵۍ و سەرەتاو ساڵەی دمایینۍ، دلۍ وەرکۆتو کوردەسانینە، ڕووسەکۍ و کوردەکۍ ماڵېنۍ یۊترینیرەو تورکەکېچ هانی کوردەکا دېنۍ و چەکشا دېنۍ پەنە.
* هامنو ئی ساڵېنە، گەشتەو مینۆڕسی و شپلی، دلۍ کوردەسانیرە کریێنە.[1]