کورد دلۍ چەرخەکا تاریخینە
بەشۍ: دوەسەڎ و چل و پەنجەمە
نویستەی: #هاوڕێ باخەوان#
* پایېزو ئی ساڵۍ، تورکەکۍ جە ئەستەمبوڵۆ کاربەدەسە سەربازییەکۍ وېشان هاگاڎار کەردێ هۆڵۍ نەڎان پېوەڼیێ خاسشان چەنی سەرخېڵە کوردەکانی بۊن.
* کۊتاو ئی ساڵۍ، تورکەکۍ قەرارو چەنەوەشبېیەیشان پەی عەبدولڕەزاق بەدرخانی و شېخ تەهای شەمزینی بەرکەرد.
* ئەچی ساڵېنە، سڵێمان بەدرخان دلۍ ڕاپەڕینێنە جە شارو بۊتانی بە دەسو پۊلیسی شەهیڎ کریان.
* سەرەتاو ئی ساڵۍ، عەبدولڕەزاق بەدرخان هانی کوردە دژ بە تورکەکاش دا یۊ بگېران و ڕاپەڕینێ گردگیر وەرپابکەران.
* سەرەتاو ئی ساڵۍ، تورکەکۍ دەسشان کەرد بە ئەژمارای کوردە نېرەکا، چەنی یانە و ئاژەڵو ئا ناوچا وەرکۆتو کوردەسانییە کە داگیرشا کەردەبۍ.
* سەرەتاو ئی ساڵۍ، تورکەکۍ (66) پەلۍ حەمیدیشا دلۍ (24) پەلانە گلېرۍ کەردێ و ئاماڎۍ جەنگیشا کەردۍ.
* فۆن هاندڵ، ئەچی ساڵېنە وتارێش دەربارەو جوگرافیاو کوردەسانی وەڵاکەردۆ.
* ئەرەمەرزنای کۊمەڵەو جەهانزانی جە وەرکۆتو وەڵاتی، ئی کۊمەڵە گەرەکشبۍ ڕابەری کۊششو ئازاڎییوازی کوردی بکەرۊن.[1]