‍ ‍ مەتی شانۍ
ئەژداد٘وو  (باپیرێ) ئېمە چەنینێ بێنێ؟
ئیسە ئیتر ڕەنگا بە زانیاری نزیکتەرێ بێبیمێوە
تیمێو جە دێرینەئەژناساو بریتانیای، دەم و چەمو نۆگار کریاوەو ژەنېوە نئانتدرتاڵەیشا بە نامۍو شانەدەر z کە 75 هەزار ساڵێ تەمەنش هەن، وست سارا.
سەرەو ئی ژەنێ، ئەوەڵین جار جە ساڵەو (#2018. ڕ#)ی جە کوردستانوو پانیشتیەنە ئێزیانەو.
پاسە دیارا ئەوامەنەو ئی لاشەیە، یۊ جە عالتەرین دڵسکەوتەکاو نئاندرتاڵەکا چی سەدەنە بیەبۆ. بەڵام ئەپی جۊرە کە پېشەوارەڪە، پېشەو ڕانیش نەبۍ چەنی، پەیشا بەرنەکەوت ڪە ژەنینە یام پیا.
پی بۊنەوە پەیجۊرکارەکۍ جە ڕۊتێوی تازەتەری کە ڕېک وزیان جە دیارڪەردەی پێوەرە بېیەی پڕۆتۆئێنەکا جە میناو دد٘انەکانە بەهرەشا بەرد تاکو بەرگنۆ شانەدەری Z ژەنی بېیېنە.
بە هەرحاڵ تیموو تاقیباتی پەی ئینەیە بتاوا پېشەوارەکەی ڕېک وزاوە، پەنەواز بۍ وەڵتەر هێقمکاری سەرو  ڕسووبوو دەوروو پېشەکا ئەنجام بد٘ا.
ماوەو 9 مانگانە، پاریزکاری ئەسڵی (لۆسیانۆ لۆپێز پۆلین) فرەتەر جە (200) دانێ پېشێ سەرەو شانەدەریش، ئێسێو. ئەوەڵین هەنگامێوە پەی ڕېک وستەیەو جەسەکەی، وستێوە پاڵو یۆی، تیموو تاقێقی ئی هەرمانېشا پېسەو پازڵێوە کە بە مشاروو مونەبەتکاری پېسەو یەرە ڕووبەری (سە بعدی) بە ئەوپەڕوو ڕیسکێوە دانشا  قەڵەم. بە تایبەت کە تیکەو پېشەکا پېسەو پسکیتێشا سەر ئامابێ کە سەرو چاییو مدرابۊوە.
جاستین تاڵیس: خەبەرنگاروو فەرانسەی
هۆرەوەگېڵنای بە هۆرامی: ساڵح ڕەسووڵی.[1]