کورد دلۍ چەرخەکا تاریخینە
بەشۍ: دوەسەڎ و شەسس و حۆتەمە
نویستەی: #هاوڕێ باخەوان#
ساڵەو(1918ز.): چن تۊمارێ پېوەس پی ساڵېوە ئینێ وەردەسەنە:
* تۆفیق وەهبی ئەچی ساڵېنە کۊلیژو سەربازیش جە ئەستەمبوڵ تەمامنان.
* ئەچی ساڵېنە مەڵڵا عەبدوڵڵای عیرفان کۊچی دمایینش کەردەن.
* ئەچی ساڵېنە، ئەحمەد فایزی بەرزنجی نویسەر، کۊچی دمایینش کەردەن.
* زمسانو ئی ساڵېنە، مەلا حەمدوونی شاعېر جە هەڵەبجە کۊچی دمایینش کەردەن، نامبریا ناۋینا بییەن، نامېش مەلا حەمدوون زەکی بییەن.
* ئەچی ساڵېنە، زانا سەی ئەحمەد فایزی بەرزنجی جە ئەستەمبووڵ کۊچی دمایینش کەردەن، نامبریا چڼیین کتېبۍ ئایینیېش هەنۍ، کە ئېژاتەرینشان کنز السانە، ئی کتېبە یاڼزە کۆڵۆمېن کە باسو دواڼزە بابەتا کەران و بە شش زوانۍ: عەرەبی، تورکی، فارسی، فەڕەنسی، ڕووسی، کوردی نویسیان و بە پاڼزە جۊرۍ مەوانیۊوە، سېڼزە جۊرېش جە سەرۆ پەی واری و جۊری چواردەهەم جە ڕاسۆ پەی چەپی و جۊرەکەی تەرش جە کۊتاو کتېبەکەیۆ.
* بە هۊکارو گرانی جەنگیۆ وەردەمو نانەواخانەکا فرە قەرەباڵق بییەن، تاکو ئاورێکۍ نان جە نانئەسانەکا بڕفانا، ئینەیچ زیاتەر وەردەمو نانەواخانەو ئۊسا ساڵحی (گوێ ڕەپ) جە سلێمانی ڕوەشدێنە.
* ئەچی ساڵېنە. کتېبیانەو مەلا عەلی سەحاف جە سلێمانی مەرزیانەرە.
* ئەچی ساڵېنە. پیرەمێردی شاعېر کریان بە پارېزگارو ئەماسیەی بە فەرمانو تورکەکا.
* ئەچی ساڵېنە، ڕۊنامەو (یاوانەی ڕاستی) جە بەغڎا بە دەسو ئینگلیزەکا بەرشییەن.
* ئەچی ساڵېنە، کتېبو سیاحەتنامەو ئەولیا چەلەبی جە ئەستەمبوڵ چاپکریان.[1]