کورد دلۍ چەرخەکا تاریخینە
بەشۍ: دوەسەڎ و حەفتاهەمە
نویستەی: #هاوڕێ باخەوان#
ساڵەو(1918ز.):
* تاریخو(#19-02-1918#ز.) سەبازانو(جیلو) و سەبازانو ئێرانی دلۍ شارو ورمێ داشا یۊترینی، ئەنجامەنە (4) کەسۍ کوشیێ.
* تاریخو(#20-02-1918#ز.) فەرماندارو ورمێ ئیجلال ئەلمەلیک، سەرۆکەکانو فەلەی و مسیۆ کوژل، کە سەرۆکو نەوەشخانەو فەڕەنسای بۍ و سونتاکی کیانیاو پاپای پەی بارەگاو حکومەتی، چڕیۍ، تاکو دەربارەو قۊمیاکا گفت و گۊ بکەران، چا وەختەنە چن کەسێ خەڵکو دەگایەکا مجیێرە دلۍ بارەگای و گلەیېشان بېنۍ دەسو ڕەفتارا جیلوەکا جە بەرو شاریۆ کە ڕاگیری جە دەگانشینەکا کەران و هەرکەسێ بوینان مەکوشاش.
* تاریخو(#20-02-1918#ز.) دڵداری شاعېر دلۍ شارو کۆیەی ئامان دنیا، نامېش یونس مەلا ڕەئوف مەلا مەحمووڎ ئەفەندی مەلا سەعدی خادیمولسوجاد بییەن.
* تاریخو(#21-02-1918#ز.) بەرو شارو ورمێ، دەسێ جە سەربازا (جیلو) و (ئێران)ی بی بە جەنگشا.
* تاریخو(#22-02-1918#ز.) جەنگێ میانو موسوڵمان و فەلەینە دلۍ شارو ورمێنە قۊمیان، ئا جەنگە (951) ڕۋېش خواینان.
* تاریخو(#22-02-1918#ز.) گفت و گۊ فەرمانداری شارو ورمێ و قونسوڵەکانو ڕووس و ئەمریکای و سەرپزیشکی فەڕەنسایی پەی هېمن کەردەیۆ شارو ورمێ، بەڵام بۍ سوود بی.
* تاریخو(#23-02-1918#ز.) ئاسووریەکۍ ورمێ گەڕەکێ شارو ورمێشان دا وەرو تۊپا، دماتەر تەپشاکوا سەرو بارەگاو قۆزاقەکاو بڕێشا چەنە کوشتۍ و ئەوۍ تەرۍ ڕەمێ.
* تاریخو(#24-02-1918#ز.) هەرچن مار شەمعۆن قۆلو مدرنای جەنگیش دابۍ، بەڵام هەر دلۍ شارو ورمێنە جەنگ درېژەش بۍ، گۆرەکۍ شاری پەناشان پەی قونسوڵخانەو ئەمەریکای بەردە، تاکو ئاڎۍ هۆڵۍ مدرنای جەنگەکەی بڎان.
* مانگەو(03) ئی ساڵېنە، مار شەمعون چەنی (700) چەکدارا و دۋۍ تۊپا، ورمێش جیائاست و لوا پەی سەلماسی.
* تاریخو(#01-03-1918#ز.) موحەمەد ئەمین زەکی بەگ، خەڵاتو خاچی پۊڵایینی ئەڵمانیش وەرگېرت.!
* تاریخو(#17-03-1918#ز.) مار شەمعۆن لوا پەی کۊنە شاری، تاکو چاگە چەمش بگنۊ بە سمکۆی، مار شەمعۆن(50) چەکدارېش چەنی بېنۍ، ئەنجامەنە سمکۊی کوشت و چەکدارەکېچش بە دەسو چەکدارەکا سمکۆی کوشیێ، بە کوشتەی مارشەمعۆنی جەنگو میانو کورد و ئاسووری دەسش پەنەکەرد.
* تاریخو(#30-03-1918#ز.) ژمارەو کوردە کوشیاکا شارو ورمێ یاوا (400- 500) کەسا.[1]