نمەبۊ (سی پی تی) جە ۋەرا ۋەر بە ئاژەو مەترسیڎاروو ئیمراڵی بېدەنگ بۊ
سەرۆکی گرڎینەو ئەی ئێن پی ئای دی سانکتێز ئانەش وست ڕوە کە پېسە ئەی ئێن پی ئای ئاڎێچ نامەشا پەی کۊمیتەو ڕاگېرتەی جە ئەشکەنجەو ئەنجوومەنو ئۆرووپای (سی پی تی) کیاستەن، داواشا ۋنەکەرڎېنۍ جە ۋەراۋەرو هەلومەرجوو عەبدوڵا ئۆجالانینە هەوڵەکاشا بوزانە گەڕ. باسش چانەیچ کەرد کە، پېسە فرێوە جە ئەرەمەرزیاکا ئېمەیچ نامەما پەی سەرۆکوو سی پی تی کیاست. (سی پی تی) جوابش داوە کە جە نزیکۆ چەمڎاری ئاژەو عەبدوڵا ئۆجالانی مکەرا. جە جوابەکەنە ئەرەیاۋییا کە کۊمیتەکە ساڵەو (2022ز.) سەردای زیڼانو ئیمراڵیش کەرڎەن و پەی ئانەی هەلومەرجوو عەبدوڵا ئۆجالانی بواڕیۆ درێژە بە فشارەکاشا مڎا.
ئېمەیچ بەردەوامۍ بیمۍ تا زانیاری جە سی پی تی هۊربگېرمۍ، ۋەرو ئانەی (سی پی تی) جە فرەو بوارانە کارمکەرۊ، بەڵام هەڵوەسەکەش ۋەرا ۋەر بە عەبدوڵا ئۆجالانی و یەرە زیڼانیەکەی تەروو ئیمراڵی مایۍ قبوڵکەرڎەی نېیەنە، ۋەرو ئانەی ئینسان چا نمەتاوۊ باس جە بېیەو مافەکا مرۊڤی، یەکسانی و ئازاڎی بکەرۊ. جە دورگەو ئیمراڵینە ئاژێوە مەترسیڎار هەن و ئینەیچ حەجگیز مایۍ قبوڵکەرڎەی نییا.[1]