کورد دلۍ چەرخەکا تاریخینە
بەشۍ: دوەسەڎ و هەشتا و پەنجەمە
نویستەی: #هاوڕێ باخەوان#
ساڵەو (1920ز.):
* ئەچی ساڵېنە، ژمارەو خەڵکا هۊزو دزەیی (30) هەزار کەسۍ بیېنۍ.
* ئەچی ساڵېنە، ئیسماعیل خانو سمکۆی، سەرخېڵو شکاکی جە وەرکۆتو کوردەسانی، شۆڕشێش هۊرگیسنا دژو داگیرکاری ئێرانی.
* ئەچی ساڵېنە، مەحمووڎ خانو دزڵیۍ، سەردارو ناوچەو هۆرامانی بە دەسو داگیرکاری ئێرانی بەندکریا، داشا دەسو ئینگلیزەکاوە، ئاڎیشاچ بە تۊمەتو یاردیدای شېخ مەحمووڎی بەرزنجی پەی هیندستانی دوورشان وستۆ.
* ماوەو ئی ساڵانە، سمکۆ چەنی هامسایەکاش پېوەڼیێ عالش پېڎاکەرد و ئارامی و ئاسایېشو ناوچەکەیش پارېزنا، دیسان پېوەڼی سمکۆ و شېخ موحەمەدی خیابانی ڕاوەبەرو ژڵېوەو دیموکراسی ئازەربایجانی گەلێ خاس بۍ.
* ئەچی ساڵېنە، کۊمارو ئازادستانی بە سەرپەرەشتی ئیسماعیل خانو سمکۆی مەرزیارە کە چن مانگێش خواینا.
* ئەچی ساڵېنە، نویسەر و گورج و گۊڵ جە مافەکا مروڤینە مستەفا قەراخی جە ناوچەو قەراخی ئامان دنیا.
* مانگەو (01) ئی ساڵېنە، ژمارە (32) ڕۊنامەو ژینی جە ئەستەمبوڵ بەرشییەن.
* مانگەو (01) ئی ساڵېنە، تورکە کەمالییەکۍ پێماڼامەی نیشتیمانیشان مۊرەکەرد، بەپاو ئا پێمانەیە حورمەتو کەمەنەتەوەییەکا دلۍ تورکیای گېریۍ، بەڵام هەر زوو چینەیە پەشیمانۍ بېیێ.
* تاریخو (#06-01-1920#ز.) سوپاو عێراقی سەرو دەسو ئینگلیزەکارە مەرزیارە.
* مانگەو (02) ئی ساڵېنە، داگیرکەری ئێرانی هېرشش کەرد پەی سەرو کوردەکانو شوکاکی، شارو سەڵماسیشان داگیر کەردۆ.
* تاریخو (#21-02-1920#ز.) سەی عەبدولقادری شەمزینی جە ئەستەمبوڵ چەمش کۆت بە مەندوبی سامیی بەریتانی و داوازیییەکۍ کورڎیش پەنە یاونا.
* تاریخو (#25-02-1920#ز.) سەرشالیارگاو ئینگلیزی (لوید جۆرج) وەردەمو ئەنجومەنو گرڎینەو بەریتانیاینە بانگشدا کە کورد مافو وېچارەییش هەن.[1]