کورد دلۍ چەرخەکا تاریخینە
بەشۍ: دوەسەڎ و هەشتا و ششەمە
نویستەی: #هاوڕێ باخەوان#
ساڵەو (1920ز.):
* تاریخو (#27-02-1920#ز.) عەبدولقادری، کیانیاو کورڎی جە لاو تورکەکاوە، دلۍ ڕۊنامەو (الاقدام)ینە، وتارێش دژو ڕېککۆتەو کورد و ئەرمەنی وەڵاکەردۆ، کە شەریف پاشا و ئۆغۆز پاشا جە پاریس مۊرەشا کەرڎەبۍ.
* مانگەو (03) ئی ساڵېنە، کۊمەڵەو سەربەۋېیی کورڎی یاڎەوەریێش پېشکەشو دۆڵەتە هامپێمانەکا کەرد، دلېشەنە داواو کیانێ کورڎی سەربەۋېش جە عوسمانییەکا کەرڎەن، کە ناوچە کوردنشینەکا ئێرانیچ بگېرۊوە.
* سەرەتاو مانگەو (03) ئی ساڵېنە، کیانیاکاو ناوچەو کوردەسانی جە شارەکانو (وان، ئەرزەڕۆم، تەرابزون، هەکاری و بایەزید) داواو لابەردەی عەبدولقادریشان جە ئەرمانیایی کەرد.
* تاریخو (#03-03-1920#ز.) هامپێمانەکۍ قەرارو ئانەیشان دا کە ئێراق بلۊنە چېرو مانداتی بەریتانیای.
* تاریخو (#23-04-1920#ز.) ئەنجومەنی نیشتیمانی مەزن جە لاو تورکە کەمالیەکاوە جە شارو ئەنقەرەی بەسیان، کە (72) کیانیێ کورڎی بەشدارۍ بېنۍ.
* تاریخو (#25-04-1920#ز.) ئەنجومەنو باڵاو هامپێمانەکا قەرارو ئانەیش دا کە ئێراق بلۊنە چېرو مانداتی بەریتانیای و سوریاچ بلۊنە چېرو مانداتو فەڕەنسای، کە هەر دوەلا دۋۍ بەشۍ کوردەسانی داگیر کەران.
* تاریخو (#29-04-1920#ز.) یەکەمین ژمارەو ڕۊنامەو (وەڵکۆتەی) بە دەسو مێجەرسۆن، فەرمانبەرو ئینگلیزی جە شارو سلېمانی بەرشییەن.
* تاریخو (#20-05-1920#ز.) یانەو سەرکۆتەی جە لاو کوردەکانو بەغڎایۆ مەرزیارە.
* تاریخو (#30-05-1920#ز.) جەنگ میانو داگیرکەری تورکی و فەڕەنساینە مدرا، بەپاو ڕېککۆتەنامێوە کە جە ئەنقەرە ئیمزا کریا.[1]