کورد دلۍ چەرخەکا تاریخینە
بەشۍ: دوەسەڎ و هەشتا و نۊهەمە
نویستەی: #هاوڕێ باخەوان#
ساڵەو (1920ز.):
* تاریخو (#12-08-1920#ز.) پېشمەرگە کوردەکۍ ناوچەو ڕەواندوزی دەسڕېژەو گرۊڵیاشا کەرد ئەو کاپتن هێیی ئینگلیزی و زامڎارشا کەرد.
* تاریخو (#14-08-1920#ز.) ناوچەو (قزرئابات)ی، نزیک بە خانەقینی بە دەسو شۆڕشگېڕە کوردەکا ڕزگارکریا.
* تاریخو (#14-08-1920#ز.) بارەگاو گینگلیزی جە خانەقین سۊچیا، هەم شۆڕشگېڕەکۍ پەلامارەو کۊمپانیاو (ئەنگلۆ- ئێران)یشا دا جە نەفتخانە.
* تاریخو (#16-08-1920#ز.) نزیکەو دوەسەڎ پېشمەرگۍ پەلامارەو مدرگاو شەمەنەفەرو خانەقینیشان دا، کە هېزەکانو کۆلۆنێڵ لاکینیش چەنەبېنۍ، ئەنجامەنە پاڼزە پېشمەرگۍ شەهیڎۍ بېیۍ.
* تاریخو (#16-08-1920#ز.) پەی سەرکۊتکەرڎەی شۆڕشو ناوچەکانو خانەقینی، ئینگلیزەکۍ هېزێ چەکدارشان بە سەرداری ب. ئەدوارد کیاست پەی ناوچەکەی، بەڵام (200) پېشمەرگۍ کورڎی ئامێوە دەسۍ چەنیشان و ڕاشان وەنە گېرتۍ.
* تاریخو (#19-08-1920#ز.) چن دەگێوە ناوچەو خانەقینی داگیرۍ کریێوە کە وەڵتەر پېشمەرگەکا جە دەسو ئینگلیزەکا ڕزگارۍ کەردېبېنۍ.
* تاریخو (#20-08-1920#ز.) ئینگلیزەکۍ شارو خانەقینیشا داگیر کەردۆ.
* تاریخو (#20-08-1920#ز.) پێمانو سیڤەری سەپیا ملو تورکیایرە، کە دلېشەنە، جە یەرۍ خاڵاشەنە مافو وېچارەیی نویستەی پەی کورڎی دەسنیشان کریابۍ.
* تاریخو (#24-08-1920#ز.) شارو کفری بە دەسو شۆڕشگېڕە کوردەکا ڕزگارکریا بە سەرداری ئیبراهیم خانو دەلۆی و وەیس بەگی.
* تاریخو (#25-08-1920#ز.) هېرشو (300) پېشمەرگا جە خېڵە کوردەکا ناوچەو خانەقینی پەی سەرو هېزەکانو ئینگلیزی، کە خەریکو وەشکەرڎەیۆ هېڵەی ئاسنینو میانو خانەقین و قزڵڕەباتی بېنۍ، ئەنجامەنە پېشمەرگەکۍ پاکشېشا کەرڎەو چل کەسېچشا چەنە شەهیڎۍ بېیۍ.
* تاریخو (#30-08-1920#ز.) ئینگلیزەکۍ شارو کفریشان داگیر کەردۆ.[1]