کورد دلۍ چەرخەکا تاریخینە
بەشۍ: دوەسەڎ و نەوەڎهەمە
نویستەی: #هاوڕێ باخەوان#
ساڵەو (1920ز.):
* مانگەو (09) ئی ساڵېنە، کۊنگرەو میللەتانو وەرکۆتی جە شارو باکۆی بەسیان، کە تورکە کەمالییەکۍ گەرەکشان بۍ وەڤدێ دەسکەرد بە نامۍ کورڎیۆ بکیانا پەی ئاگەی.
* مانگەو (09) ئی ساڵېنە، بە فیتو ئینگلیزەکا جەنگێ گۆرە میانو کوردەکا و فەلەکانە قۊمیا، ئەنجامەنە (60) کوردۍ کوشیێ و (140) کەسېچشان دلۍ ئاوەو زێی گۆرەینە خنیکیێ.
* مانگەو (09) ئی ساڵېنە، ئینگلیزەکۍ هەر دوە دەگاو بارام ئاوا و بەڵخەو ناوچەو هۆرامانیشان بە تەیارە بۊمبا واران کەردۍ.
* تاریخو (#08-09-1920#ز، ) یاگەگیرو حاکمی ڕامیاری گرڎینەو عێراقی ئارنۆڵد ویلسن لوان پەی شارو هۆلېرۍ بە نیازو هېور کەرڎەیۆ بارو ناوچەکەی چا ئاڵۊزیا کە چەنەشبۍ.
* تاریخو (#08-09-1920#ز.) شۆڕشگېڕەکانو ناوچەو خۆشناوەتی هېزەکانو بەریتانیایشان دلۍ شارو هۆلېرېنە تۊقە دێ.
* تاریخو (#08-09-1920#ز.) شڵەقیای بارو شارو کۆیەی و هۊرئامای ئەفسەری ڕامیاری شاری کە کابرێوە ئینگلیز بېیەن.
* تاریخو (#15-09-1920#ز.) جەنگێ میانو ئینگلیزەکانە و (600) پېشمەرگا هېزو سوورچی دلۍ ناوچەو زێی گۆرەینە خېزیان، ئەنجامەنە زەرەرێ فرە بە پېشمەرگەکا یاوان.
* تاریخو (#18-09-1920#ز.) باری ئەمنی شارو ئاکرێ دژو ئینگلیزەکا تېکشییەن.
* مانگەو (10)ئی ساڵېنە، ناوچەو خۆشناوی دژو ئینگلیزەکا خېزیا.
* تاریخو (#20-10-1920#ز.) پېشمەرگە کوردەکۍ هەر دوە ناوچەو (قانگال و دیڤریگ)یشان ڕزگارۍ کەردۍ.
* تاریخو (#25-10-1920#ز.) برسی کۆکسی، کیانیاو باڵاو بەریتانیای جە ئێراق، یەکەمین شالیارگاو شالیاراش بە سەرداری عەبدولڕەحمان گەیلانی مەرزنارە.[1]