نەعلەت ئېڎی و نەعلەت ئەوی
هەوادارێ بڕېو چی حێزب و ڕېکوزیا کورڎیا و هەر پاسە کەسانېوتەری پېسەمزانا کە پزشکیان لایە کەرۊ لاو نەتەوە بندەسەکارە، بەتایبەت لاو کورڎیەرە و کارېوەشا پەی کەرۊ، چوون جە سابڵاخ پېڎا بېیەن و بە موکوریانیچ قسێ کەرۊ.
ئاخر کابرای بې دەسەڵات کە تەماموو تەمەنیش خزمەتوو کۊماری ئیسلامینە بېیەن و شانازی پا خزمەتیشەو کەرۊ، جە فیلتەروو ئا ڕژیمیچەنە وېیەردەن و ویش هۊرچنییەن پەی سەروککۊماری چەنی تاوۆ لا کەرۊ لاو زڵم وەنەکریایاو چېردەسو ئا ڕژیمە دڕندەیەرە؟
ڕژیمێو کە تانەنەت مۊرە دڕندە و تاوانبارەکایچش کشۆ (ڕەئیسی و...)، چەنی مازۆ ئی مۊرە تازێ هەرمانېو دژ بە ڕامیاریەکاو ڕژیمی بەتایبەت هەرمانېو پەی کوردەکا کەرۊ؟؟ ڕژێمێو کە 45 ساڵېن وەڵامو کوردەکاش هەر بە کۊمەڵکوشی و ۋېرانی و تێرۆر دانەو، پزشکیانی بې دەسەڵات و حەلقە بە گۊش چېشش پەنە کریۆ؟؟
یاگې سەرنجینە کە کۊماری ئیسلامی هەر چی کاتو هۊرچنیەینە بە تەماموو هېزیشەو فشارش ئاردەن پەی دەسەڵاتدارە خیانەتبارەکاو خاسووری کە تەنانەت ئوردووگاگاو حێزبە کورڎیەکاو کوردستانو بندەسو ئێرانی جە بەرو سنوورکاوە چۊڵشا پەنە کەرۊ و گرڎ چالاکییۊشا وەنە وەربەس کەرۊ و تەنانەت بە وېشا و بارەگاکاشاوە دریاوە دەسو سپای تێرۆریستوو پاسداراو ئێرانی.
موختار کەریمی.[1]