نامۊ بەرھەمی: پاپان دلێ جاڎەینە
نامۊ نۋیسەرۍ: ڕەنگین گوڵشەن ئارا
یاگۊ چاپکەرڎەی: مەریوان
چاپخانە: واریا
دەزگاو ۋەلاکەرڎەی: ئێنتیشارات واریا
ساڵۊ چاپکەرڎەی: 2024ز.
وېنەگرفت: بێهنووش شەمسینژاد
ویراستاری و ئامایپۊرە: مامۊسا حوسەین وەفایی.
پاپان نامې یەکۊمین کتێوی (بە زوانی هۆرامی) خاتوو ڕەنگین گوڵشەن‌ئاراین هەکه پېسە زەنجیرە کتێوی دیاری کریان و هەرکام ئەچی زەنجیرە کتێوا باس و دلېنەی جیاواز پېسەو فېرکاری ئەخلاقی و زانشتەکاو ژیوای گېرۆنە وەر و جیا چانەیچە دلې هەرکام جە کتێوەکانە بڕېو تەمرینێ دیاریێ کریانې تاکو جە ڕاو واخواکەرڎەیوە بانێ هۆو پەروەردە و گەشەکەرڎەی زوانو زاڕۆڵەکا.
پاپان دلېو جاڎەینە، پېسەو ئەوەڵ کتێو ئی زەنجیرەیە؛ فېرکاری کەمەربەن‌بەستەی دلې ماشینینە و گېڵای و پارېزنای ژیوگای و... گېرۆنە وەر.
ئی بەرهەمە قیمەتێ گۆرەش هەن، ئېژانەی وېش هەنش، چوون دەسش بەردەن پەی زیڼەتەرین یاگۍ ژیوای ئینسانی ک تەمەنو زاروڵەیین، ئەچاگۆ ئامیانو پەروەرنەی مەبۊن بە مدرای قەڎو نەمامو زاروڵەی.[1]