جێگرا سەرۆکێ لژنا مافێ مرۆڤی و ئەنداما لژنا کۆچ و کۆچبەران ل پەرلەمانێ ئیراقێ گۆت: حکومەتا ئیراقێ بڕیارا ڤەگەڕاندنا ئاواران و داخستنا کەمپان ڕاگرت.
جوان عەبدوللا دبێژیت ژی: دووماهی دەم هاتبوو دانان کو هەموو کەمپێن ل ھەرێما کوردستانێ بهێنە داخستن و ل سلێمانییێ هەموو کەمپ هاتنە داخستن، بەلێ ل ھەولێر و دھۆکێ نەهاتنە داخستن، ھەر ل دەستپێکێ ئەو بڕیارا هاتییە دان ئه و بابەتە هاتبوو ب سیاسی کرن و وان دگۆت حکومەتا ھەرێما کوردستانێ ڕێگرە ل ڤەگەڕاندنا ئاواران، د دەمەکی دا زۆر جاران مە دگۆت کو حکومەتا ھەرێما کوردستانێ رێگر نینە، بەڵکو ئاوارە ژ ئەگەرێ نەبوونا خزمەتگوزاری و ئاڤەداننەکرنا دەڤەرێن وان ڤەناگەرن، بەلێ حکومەتا ھەرێما کوردستانێ بەردەوام دوپاتکرییە، پشتی سەقامگیرییا سیاسی و ئەمنی و ئاڤەدانکرنا دەڤەرێن وان، ئاوارە ب حەزا خۆ دێ ڤەگەرن، حەفتییەکێ بەری نوکە رێکخراوا مافێ مرۆڤی یا نێڤدەوڵەتی راگەهاند، رەوشا ئەمنی یا ئەوان جهان یا ئارام نینە کو ئاوارە ڤەگەرن و هەروەسا ل وان جهان چ خزمەتگوزاری تێدا نینن، ئەڤە بوویە بەڵگەیەک کو پێشتر ئەو ھەموو تۆمەتێن ئاراستەیی حکومەتا ھەرێما کوردستانێ دهاتنە دکرن، هاتنە ڕەدکرن. [1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 6