بەقاڵ چی لە تێڕەکەیدا هەبیتن ئەوە گاز دەکات
هاوشێوەی ئەمە وتراوە: #گۆزە چی تیا بێت ئەوەی لێ دەڕژێت#، بەقاڵ: کەسێک لە دووکانێکدا ئازوخەی وەکوو نۆک و نیسک و برنج و شەکر و تۆچا و بڕووش و گەنمەکوتا و کونجی و گوێز و مێوژ و میوە و تەڕە و سەوزەی دەفرۆشێت، لەکۆندا بەقاڵی گەڕۆکیش هەبوو بارە مێوژ و قەسپ و خوێ و تەماتەیان دەهێنایە گوندەکان چ بەئاڵشتی شمەک بەشمەک وەکوو کرۆسک و مێوژ بە گەنم و جۆ یان بەدراو دەیانفرۆشت، جۆری دووەم ئەو بەقاڵەی بە کەرەکەی لە گوندەکاندا دەگەڕا، بارەکەی زۆربەی جاران لەناو تێڕکە بووە، تێڕکە: تێڕ، یان جەواڵێکی گەورە بووە، کراوە بە دوو لا تێڕکە وهەر لایەکی بەسەر لایەکی گوێدرێژەکە شۆڕ دەبووەوە و پڕ دەکرا لە مێوژ و کرۆسک و خوێ و قەسپ و...تاد، وەکوو عەتاران هاواری دەکرد یاڵڵا قەسپ یاڵڵا خوێ، ئینجا لە کوردەوارییدا ئەوە بووە بە ئیدیۆم و بەکاردەهێنرێت بۆ کەسێک کەچی لەباردا بێت هەر ئەوەیە یان کەسێک قسەی نەشیاو بکات ئەوە ناو هەناوی ئەوەندەی هەڵگرتووە، لەڕوویەکی تریشەوە توانای کەسەکە دیاریکراوە و هەر ئەوەندەی لە توانا و لەباردایە، لە #هەولێر#ێ وتراوه: بەقاڵ چی لە تێڕەکەیدا هەبیتن ئەوە کار دەکات.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 9
Ваше мнение о предмете!