کورد دلۍ چەرخەکا تاریخینە
بەشۍ: یەرەسەڎ و ویسەمە
نویستەی: هاوڕێ باخەوان
ساڵەو (1925ز.)
* ئەچی ساڵېنە، پانیشتو کوردەسانی لکیا بە ئێراقیۆ.
* داگیرکاری تورکی پەی مرنارەی شۆڕشو شېخ سەعیدی پیرانی، پەنەوازیش بە (35) هەزار سەربازا و (12) تەیارا بۍ، عەینو کاتینە داگیرکاری تورکی (206) دەگێش وڕنێ، (8758) یانېش سۊچنێ، (15200) کوردېش شەهیڎۍ کەردۍ، ئا جەنگە (20) ملیۊن لیرۍ سەرو داگیرکەری تورکی کۆت.
* ئەچی ساڵېنە، یاسێوە بەرشییە جە بە فەرمانو داگیرکەری تورکی، بەپاو ئا یاسێ سیستەمو وشکنای گرڎینی مەرزیارە.
* بەپاو ئامارێ ناتەمامی، تورکەکۍ پەی سەرکۊتکەرڎەی شۆڕشو شېخ سەعیدی پیرانی، (230) دەگێ بە تەمامی کاولۍ مەکەران و (8700) یانۍ مەسۊچناو نزیکەو (15) هەزارۍ خەڵکی بۍ تاوان مەکوشان و هەزارانی تەریچ پەی ناوچە دوورە دەسەکانی مەفاڕاوە و کۊچی زۊرەملېشان پەنەکەران.
* ئەچی ساڵېنە، جەلادەت و سورەییا و کامەران بەدرخان پېوەڼییشان کەرد بە شۆڕشەکەو شېخ سەعیدی پیرانیۆ جە سەرنیشتو کوردەسانی.
* کەسێ ئەڵمانی بە نامۍ (هێسە)ی دەربارەو مەسەلۍ موسڵی و شەڕە دەنووک و میانو ئێراق و تورک و ئینگلیزی سەرو پانیشتو کوردەسانی، نامیلێوەش بە زوانی ئەڵمانی بەرەشنیە و مەسەلۍ کورڎیش ئەچی بەشەو کوردەسانییەنە وستېنە وەرو چەما.
* ئەچی ساڵېنە، زېیاتەر جە (2250) کوردۍ کریکارۍ هېڵەو شەمەڼەفەری بېنۍ.
* ئەچی ساڵېوە تاکو ساڵەو (1926ز.) تورکەکۍ (206) دەگێ کوردەسانی کە زېیاتەر جە (8758) یانېشا چەنەبېنۍ، دلۍ هېرشەکاشانە پەی سەرو سەرنیشتو کوردەسانی وېرانۍ کەردۍ، ئینە بېجگە جە شەهیڎکەرڎەی (15) هەزار زاروڵۍ و ژەن و پیرا کورڎی.[1]