پێشباری قیامەتێیە
لە کۆچی ماڵە کۆچەرییەکاندا وتراوە: کۆچی یارم کۆچی سوورە، بەهارە و خێڵ بەرەو ژوورە، ڕەوەندە مەڕلەوەڕێنەکانی کوردستان کۆچەکانیان ستوونییە و بەهاران بەرەو ناوچە شاخاوییەکان دەڕۆن، سەرەتا کەرەستە پێویستەکان لە پێشەوە لەلایەن چەند گەنجێکەوە بەپشتی وڵاغان دەنێرن و جێ هەوران خۆش دەکەن و قۆڵتی ئەستوندەگی ڕەشماڵان لێدەدەن و جێ ئاگردان و ئاوڕێژگەی دیاری دەکەن، بەو هەنگاوە و باربردنە سەرەتاییە وتراوە: (پێشبار)، ئەوەی کە ماوەتەوە هەموو کەلوپەلەکان و پێداویستییەکانە لەگەڵ خۆیاندا بەتەواوی بارگە و بنەوە دەیپێچنەوە و باری دەکەن و هەوارێ چۆل دەکەن بەو جۆرە کۆچبارەی وتراوە: گرانبار.
پێشباری کۆچەرییەکانی کورد بووە بە ئیدیۆم و ئەگەر خێزانێک منداڵێکی ساوایان لێ بمرێت یان لە سکی دایکی لەبار بچێت خەڵکی بۆ لاواندنەوە دایک و باوکە جەرگ سووتاوەکه، وەکوو پێشباری دادەنێن کە پارچەیەک لە جگەری خۆیان ناردووە بۆ ڕۆژی (قیامەت و پەسڵان و دوایی)، کە لە بیروبۆچوونی ئایینە ئاسمانییەکاندا هاتووە لەوێدا پێشوازیان لێ دەکات، بۆیە لە کوردەوارییدا بۆ دڵدانەوەی ئەو کۆچە ناوادەیەی منداڵەکە بەدایک و باوکەکە دەوترێت: پێشباری قیامەتێیە. [1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 3
Ваше мнение о предмете!