- بنکەی تەلەڤزیۆنی ئاسمانیی کوردستان لە کەرکووک لەلایەن تیرۆریستانەوە درایە بەر موشەک، بەڵام ئەم هێرشە تەنها زیانی ماڵیی لێکەوتەوە.
- لە ڕووداوێکی دڵتەزێنی ئوتومبیلدا لە نزیک ئۆردوگای پیرەمەگروونی نێوان دوکان و سلێمانی هونەرمەند کامەران ڕەفیق و ڕۆژنامەنووس ئازاد مەحمود کۆچی دواییان کرد، هەروەها لەهەمان ڕووداودا هەردوو هونەرمەند شۆڕش قادر و عەلی کەریم بەخەستی برینداربوون.
- دۆزرانەوەی تەرمی نەواف محەمەد شێخۆ بەسەربڕاوی، نێوبراو ئەندامی ینک بوو لە موسڵ و پێش 4 ڕۆژ لەلایەن چەند تیرۆریستێکەوە لەماڵەکەی خۆی ڕفێنرابوو.
- بەرپرسێکی هێزەکانی هاوپەیمانان لە کەرکووک ڕایگەیاند کە لە ماوەی ڕابردوودا 21252 کورد و 7 عەرەب و 304 تورکمان گەڕاونەتەوە کەرکووک و 25962 کەسیش کەرکووکیان جێهێشتووە.
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 6,226 kertaa
Kirjoita oma kommenttisi tuote!