بەڕێوەبەرایەتی ڤێتێرنەری گەرمیان، لیستی ناو و بڕی ئه و مەوادانەی هێنراونەتە هەرێم لە ڕێگەی کەرەنتینەکانی مەرزە سنوورییەکان و بنکەکانی کەرەنتینەی نێوان پارێزگاکانی هەرێم لە سنوورەکە لەگەڵ پارێزگاکانی دیکەی عیراق و ژمارەی پشکنینی تاقیگەیی ئەنجامدراو لە ساڵی ڕابردوودا، لەگەڵ ئه و مەوادانەی ڕەتکراونەتەوە بڵاو دەکاتەوە.
بەپێی ئامارێکی بەشی پلاندانانی بەڕێوەبەرایەتی ڤێتێرنەری گەرمیان کە وێنەیەکی بۆ خەندان نێردراوە، لە ماوەی ساڵی ڕابردوودا لە ڕێی کەرەنتینەکانەوە بڕی نزیکەی 55 هەزار و 557 تەن بەروبوومی شیرەمەنی (شیر، کەرە، پەنیر، مۆتا...هەتد)، لە گەڵ نزیکەی 6 هەزار و 637 تەن هێلکەی خواردن و 47 تەن هێلکەی ترووکاندن، هەروەها زیاتر لە 10 هەزار و 519 تەن مەوادی ئالیک، هێنراونەتە هەرێم.
هاوکات نزیکەی شەش هەزار و 675 تەن گۆشتی مریشک وزیاتر لە 856 تەن گۆشتی ماسی و ڕوبیان، هەروەها زیاتر لە 41 هەزار سەر ئاژەڵی زیندوو، لەگەڵ زیاتر لە 180 هەزار دانە لە جوجکەی یەک ڕۆژە بۆ پرۆژەکانی بەخێوکردنی مریشک، هەروەها هەزار و (534) باڵندەی جوانی، هێنراونەتە هەرێم.
لەماوەی ئه و ساڵەشدا، کەرەنتینەکان لە ڕێگەی تاقیگەکانیانەوە پشکنینیان بۆ زیاتر لە 13 هەزار نمونەی گۆشت و هێلکە و مەوادی دیکە کردووە، لە کۆی ئه و پشکنیناەش زیاتر لە 12 هەزار نموونەیان قبوڵکراون، بەڵام 956 نموونەیان لەئەنجامدا ڕەتکراونەتەوە، به و هۆیەشەوە زیاتر لە 33 تەن هێلکەی خواردن گەڕێندراونەتەوە بۆ سەرچاوەکە، لەگەڵ زیاتر لە 70 تەن گۆشتی مریشک و بەروبوومی شیرەمەنی، هەروەها زیاتر لە 114 تەن ئالیک و 52 تەن ماسی، کە هەموو ئەوانەی ڕەتکراونەتەوە، ڕێگەیان پێنەدراوە هاوردەی ناو خاکی هەرێم بکەن و ڕەوانەی سەرچاوەکانیان کراونەتەوە.
- 10-01-2014
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 5,376 kertaa
Kirjoita oma kommenttisi tuote!