چەند ڕۆژێکە لە زۆرێک لە پەیج و تۆڕە کۆمەڵایەتییەکانی فەسیبووکدا شیعرێک بڵاوکراوەتەوە بەناوی منەوە لێرەوە ڕایدەگەیەنم ئەوە شیعری من نیەو لە ئینتەرنێت و شتی وا نازانم، هەتا شیعری لەم چەشنە بڵاوبکەمەوە.
بەشانازییەوە یەکێک بوومە لە شاعیرە بێلایەن و ئازادەکان و تەناتەن لەشەڕی ناوخۆیی ساڵی 1996 بەپێچەوانەی زۆرێک لە شاعیرەکانی ئەو سەردەمە بێدەنگ بوومە و شیعرم نەنووسیوە و بێلایەنیم هەڵبژاردووە.
ئەوەی کراوە ئەوە دوژمنایەتییە بەرانبەری من دەکرێت و ئەوەیشی ئەو کارەی کردووە نەخۆشی دەرونی هەیە و نازانم ئەوەی ئەم کارەی کردووە کێیە و سەر بەچ لایەنێکە، من نە هەڵپەی پەرلەمان و نەهەڵپەی ئەنجوومەنی پارێزگام کردووە، ئیتر بۆچی ئەم کارە بکەم و شیعر دژی لایەنێک بنووسم.
شانازی بەوەوە دەکەم هەتا تا ئێستا نامەیەکی ساڵی 1983ی #نەوشیروان مستەفا#ی لای خۆم پاراستووە و لە پێشانگایەکی نامەدا بڵاومکردوەتەوەو هەڵمواسیوە.
#لەتیف هەڵمەت#
13-04-2014
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 14,216 kertaa
Kirjoita oma kommenttisi tuote!