سەرەتا خوێنی برینەکانی ئەنفال لەجەستەی ئێمەی گەرمیانی دەتکێ،مەینەتیەکانیشیان لەپێش چاوی ئێمەیەو، هاوارەکانیشان پێش هەموو کەس گوێی ئێمە دەزرنگێنێ، کوانێ منتان لەچ بۆنەیەکدا بینیووە بەشداربم؟ کەی باوەڕم بەبەشداری زۆربەی مەراسیم و بۆنەکان هەبووەو هەیە؟ جگە لەم بونەی کۆس کەوتنەی گەرمیان کەهاوارو ناڵەی ژن و منداڵ و خەڵکە مەزڵومەکەی عەرشی کۆنکرێتی و سەنگەری ئاسنینی بەعسی ڕوخاندو خودای گەورە تاج و تەلاری تێکدان...
بەشداری ساڵانەو هاوخەمیمان لەگەڵ کەس و کاری لەبیرکراوی ئەنفال و هاتنی م عەلی باپیر لەهەولێرەوە بۆ ئێرە، جگە لەڕێز بۆ کەس و کاری ئەنفالەکان چ مانایەکیتر دەبخشێ، درۆکردنتان لەپای چی؟کوانێ کێن ئەوانەی ئێمەیان لەمەراسیمەکە دەرکرد؟!ئەگەر دوسێ کەسێک گلەییەکیان لەئێمە هەبوبێ و سەدانیش لەدەسڵات بەچ تەرازوو پێوانەیەک کێشاتان و کرتانە قسەی کەس و کاری ئەنفالەکان و بەو شێوەیە لەڕاگەیاندنەکاندا گەورەتان کردو ئێمەتان تۆمەتبار کرد؟
شەرمە بۆ خەڵکانێک شەڕی خۆیان بەناوی کەسانێکی کۆس کەوتوی جەرگ بڕاوی ئەنفال بکەن و لەوەشدا زوڵمیان لێ بکەن و وای نیشانی خەڵک بدەن کەئەوانە ڕێزی خەڵکانێک ناگرن کەڕێزیان گرتون و بەشداری ماتەمینیەکەیان بوون، ئەگەر ڕاست دەکرێت لەگەڵ کەس و کاری ئەنفالدا باجاش و ئیستخبارات و مستەشارەکانی تاوانبار بەکەیسی ئەنفال دادگایی کەن یان هیچ نەبێ سزایەکی دەرونیان بدەن، بالەکۆمەڵگادا بناسرێن و بەکەم تەماشا بکرێن یاخود وەک شیعەکان یاسای ڕیشەکیش کردنیان بۆ دەرکەن لەحزبەکاندا دەرکرێن و پۆستیان نەدرێتێ بەکورتی بەشداری و هاوخەمیمان لەگەڵ کەس و کاری شەهیدانی مەزڵومی بەناو ئەنفال بەسە بۆ دەم کوت کردن و وەڵام دانەوەی پڕوپاگەندەی ئەو ناحەزو موغریزانەی کەدەیانەوێ لەڕاگەیاندنەکان ئەو باسە تێکەڵ بەباسی سرودی ئەی ڕەقیب بکەن و هەڵنەسانەوەمان بە بێ ڕێزی بەرابەر ئەوان پیشان بدەن!
سرودی ئەی ڕەقیب باسێکی جیاوازەو هیچ پەیوەندی بەم بابەتەوە نیە،ئەگەر بمان زانیبایە ئەو سرودە لێ دەدەن ئێمە نەدەچوین؟بەرنامەکەیان بۆ ناردین و ئەو باسەی تێگا نەبوو؟ ئەو سرودە سوکایەتی ئاشکرای تێدایە بەرانبەر بەدین و بیروباوەڕمان ناتوانین قبوڵی بکەین و هیچ پەیوەندیەکی بەئەنفالەوە نیەو تێکەڵکردنیشی بوهتانێکی ناڕەوایە،ئێمە کوردستان مان خۆش دەوێ بەڵام دینمان و ئاینمان نیە،باوک و براو منداڵ و خێزانەکانمان خۆش دەوێ و هیچیان دین و ئیمان مان نین،دین و ئاینمان تەنها ئیسلامە ئەو بیرە هەڵەیەمان نیە هەرچیمان خۆش بوێ بیپەرەستین ئیمە تەنها خودا دەپەرستین و خاک پەرست نین.
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 8,576 kertaa
Kirjoita oma kommenttisi tuote!