بەناوی ئاهورا مەزدا
تەکفیرکردن و بانگەشەی کوشتن و لەناوبردن و سەرپەڕاندن ی زەردەشتییەکان لەلایەن مەلایەکی ئاینیی ئیسلامەوە کە سەر بە کۆمەڵی ئیسلامیی کوردستانە و لە کەناڵی تەلەفزیۆنیی بی بی سی ی بەریتانی دژ بە خەڵکی سڤیلی کورد، فەتوا و بیرۆکەیەکی تیرۆرستیانەیە و دژ بەماف و ئازادییەکانی مرۆڤگەلی کوردە و پێویستە لەسەر هەر تاکێکی کورد لەهەرجێگایەکی جیهاندان هەڵوێستیان هەبێت و دژ بەم فەتوا و گوتارە دژ بە مرۆڤانەیە بوەستێتەوە. لەپال ئەمەدا، داوا لە وەزارەتی ئەوقاف و هەروا تەواوی لایەنە پەیوەندیدارەکان و (مودعی عام) ی کوردستان لەتەواوی دادگاکانی شارەکانی کوردستاندا دەکەین ڕاستەوخۆ لەدادگاکاندسکاڵا تۆمار بکەن و ئەو کەیسە بجوڵێنن و ئێمەش وەک زەردەشتیان سکاڵای یاسایی تۆمار دەکەین.
ئێمە، وەک زەردەشتییانی کوردستان لەهیچ هەڕەشە و گوڕەشەیەک ناترسین و بەردەوام دەبین لە بانگەشەی خۆمان و تاکو کۆتایی ژیان پرۆسەی گەڕانەوە بۆ سەر ئاینی باوباپیرانمان پەرەپێ دەدەین.
بەگرنگی دەزانم کە ڕوو بکەمە کۆی گشتیی مامۆستایانی ئاینیی ئیسلامی بێژم(پێویستە بێدەنگی بشکێنن و ڕیفۆرم و تازەگەری لە ئاینەکەتاندا بکەن و دەقە کۆنەکانتان بگۆڕن و لەگەڵ سەردەمدا بیگونجێنن. ئەمەش دەبێتە هۆی بەیەکەوە ژیانێکی ئاشتیانە و چییتر هاونیشتمانی و هاونەتەوەییەکانتان تەکفیر نەکەن و دەست بۆ وتاری توند و تیژ نەبەن).
لەگەڵ ڕێز و باوەشێک خۆشەویستیی ئاهوراییدا
پیر لوقمان
03-02-2017
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 5,162 kertaa
Kirjoita oma kommenttisi tuote!