ئەمساڵ سەڕەرای تەنگژەیی دارایی، پڕۆسەی هاوسەرگیری بەشێوەیەکی بەرچاو زیادی کردووە و جیابوونەوەش کەمی کردووە. ئەم قەیرانە داراییە وای کردووە نرخی کەلوپەل و پێداویستیی ناوماڵ بە شێوەیەکی بەرچاو دابەزێت. ئەوەش بووتە هۆی ئەوەی گەنجان بە ڕێژەیەکی دیار پڕۆسەی هاوسەرگیری پێک بهێنن. بەپێی ئامارەکانی دادگای بەرایی #هەولێر#، پڕۆسەی هاوسەرگیری لە هەڵکشاندایە.
ئارام عەلی، کە پیشەکەی مامۆستایە و چەند هەفتەیەکە چووەتە ناو پڕۆسەی هاوسەرگیرییەوە، ئه و ئاماژە بۆ ئەوە دەکات: پێش قەیرانی دارایی بە نیازی هاوسەرگیری بووم، بەڵام بەهۆی پاشەکەوتی مووچە و ئه و تەنگژە داراییەی ڕووبەڕرووی هەرێمی کوردستان بووەتەوە، وای کرد پڕۆسەکە دوا بخەم“.
گوتیشی: نرخی کەلوپەل و کرێی خانوو بە شێوەیەکی بەرچاو بەره و داکشانە، ئەمەش هۆکارێکە بۆ ئەوەی گەنجان بە ڕێژەیەکی زۆر پڕۆسەی هاوسەرگیری ئەنجام بدەن و ئەم هەلە بقۆزنەوە“.
سەرەڕای قەیرانی دارایی، گەنجان لە هەموو چین و توێژێک بە شێوەیەکی گشتی توانای پێکهێنانی پڕۆسەی هاوسەرگیرییان هەیە.
ئاماژەی بەوەش کرد: پێش قەیرانی دارایی، بە هۆی دەستنەکەوتنی خانوو و کرێی زۆری خانوو نەمدەتوانی هاوسەرگیری بکەم، بەڵام ماوەی دوو هەفتەیە هاوسەرگیریم کردووە و بەئاسانی و بە نرخێکی گونجاویش خانووم بە کرێ گرتووە“.
13-06-2017
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 5,455 kertaa
Kirjoita oma kommenttisi tuote!